അടുക്കളത്തളം: ഗോതമ്പുകാപ്പി

അടുക്കളച്ചൊല്ലുകള്‍.....

“അന്ന വിചാരം മുന്നവിചാരം, പിന്നെ വിചാരം കാര്യവിചാരം”
“ഉപ്പോളം വരുമോ ഉപ്പിലിട്ടത്”
“അരി വിതച്ചാൽ നെല്ലു വിളയാ”
“മുളയിലറിയാം വിള”
“ആര്യൻ വിതച്ചാൽ നവര വിളയുമോ?”
“നവര നട്ടാൽ തുവരയുണ്ടാകുമോ?”
“ഒരു വിത്ത് വിതച്ചാൽ പല വിത്ത് വിളയാ”
“കണ്ണൻ വാഴച്ചുവട്ടിൽ കദളിവാഴയുണ്ടാകുമോ?”
“അമരയും അപരാധവും കുറച്ചുമതി”
“ഉണ്ണാനില്ലാഞ്ഞാൽ വിത്ത്; ഉടുക്കാനില്ലാഞ്ഞാൽ പട്ട്”
“വിത്തുഗുണം പത്തുഗുണം”
“ചൊല്ല് പഴയതായാലും വിത്ത് പഴയതാവരുത്”
“വിശപ്പിനു രുചിയില്ല”
“തവിയറിയുമോ കറിയുടെ രസം?”
“കാന്താരിമുളകെന്തിനാ അധികം?”
“കർക്കിടകച്ചേന കട്ടിട്ടെങ്കിലും തിന്നണം”
“മെല്ലെത്തിന്നാൽ മുള്ളും തിന്നാം”
“പയ്യെത്തിന്നാൽ പനയും തിന്നാം”
“വിത്തെടുത്തുണ്ണരുത്”
“ഉണ്ടെങ്കിലോണം പോലെ ഇല്ലെങ്കിലേകാദശി”
“വെളുക്കുന്നതിനു മുൻപേ അരിവെയ്ക്കണം; അരിവെയ്ക്കുന്നതിനു മുൻപേ കറിവെയ്ക്കരുത്”
“വേണമെങ്കിൽ ചക്ക വേരിലും കായ്ക്കും!”
“എണ്ണിയ പയറ് അളക്കേണ്ട”
“മരത്തിന് കായ കനമല്ല”
“ഉരിനെല്ലൂരാൻ പോയിട്ട് പത്തുപറ നെല്ല് പന്നി തിന്നു”
“മക്കളെ കണ്ടും മാമ്പൂ കണ്ടും കൊതിക്കരുത്”
“ഉച്ചാറലുച്ചയ്ക്ക് വെള്ളാരി നട്ടാൽ വിഷു ഉച്ചയ്ക്ക് പറിക്കാം”
“കർക്കിടകത്തിൽ പത്തില കറിവെച്ചു കൂട്ടണം”
“കാണം വിറ്റും ഓണം ഉണ്ണണം”
“പത്തായം പട്ടിണി കിടക്കരുത്”
“നിലം നികത്തി വീടു വയ്ക്കരുത്”
“തൊഴുതുണ്ണുന്ന ചോറിനേക്കാ‍ൾ ഉഴുതുണ്ണുന്ന ചോറ്”
“വാഴ നനഞ്ഞാൽ ചീരയും നനയും”
“കയ്യാടിയാലേ വയറാടൂ”
“അവിയലിൽ ചേരാത്ത കഷ്ണമില്ല!”
“അണ്ടിയോടടുക്കുമ്പോഴറിയാം, മാങ്ങയുടെ പുളി!”
“അത്താഴമുണ്ടാൽ അരക്കാതം നടക്കണം, മുത്താഴമുണ്ടാൽ മുള്ളിലും കിടക്കണം”
“അധികം വിളഞ്ഞാൽ വിത്തിനും കൊള്ളാ”
“അധികമായാൽ അമൃതും വിഷം”
“അപ്പം തിന്നാൽ മതി; കുഴിയെണ്ണേണ്ട”
“അമ്മിയോടു ചോദിച്ചിട്ടാണോ അരയ്ക്കുന്നത്?”
“അരനാഴിയേ ഉള്ളെങ്കിലും അടുപ്പുകല്ലു മൂന്നു വേണം”
“അരിയെത്ര? പയറഞ്ഞാഴി”
“അഴകുള്ള ചക്കയിൽ ചുളയില്ല!”
“ആറ്റിൽ കളഞ്ഞാലും അളന്നു കളയണം”
“ഉണ്ട ചോറിൽ കല്ലിടരുത്”
“ഉണ്ടവന് പാ കിട്ടാഞ്ഞ്, ഉണ്ണാത്തവന് ഇല കിട്ടാഞ്ഞ്”
“ഉപ്പു തിന്നവൻ വെള്ളം കുടിക്കും”
“ഉള്ള കഞ്ഞിയിൽ പാറ്റ ഇടുക”
“എണ്ണിച്ചുട്ട അപ്പം പോലെ”
“എല്ലു മുറിയെ പണിതാൽ പല്ലു മുറിയേ തിന്നാം”
“കല്ലാടും മുറ്റത്ത് നെല്ലാടുകില്ല”
“കറിക്ക് ചേരാത്ത കഷ്ണം നുറുക്കരുത്”
“ചക്കയ്ക്ക് ചുക്ക്; മാങ്ങയ്ക്ക് തേങ്ങ”
“ഞാറുറച്ചാൽ ചോറുറച്ചു”
“തിന്ന ചോറിന് നന്ദി വേണം”
“മത്ത കുത്തിയാൽ കുമ്പളം മുളയ്ക്കുമോ?”
“പത്തായം പെറും, ചക്കി കുത്തും, അമ്മ വയ്ക്കും, ഞാനുണ്ണും”
“പന്തിയ്ക്കു മുമ്പും പടയ്ക്കു പിമ്പും ”
“പറ നിറയെ പതിരാണെങ്കിലും പാറ്റി നോക്കിയാൽ മണി കാണാം”
“ആലോലനീലമിഴിയാം പ്രിയയാൾ വിളമ്പും ഓലോലനൊന്നു മതി; എന്തിന്നു നൂറു കൂട്ടം?”

ഗോതമ്പുകാപ്പി എന്ന പേരിന് യഥാർത്ഥത്തിൽ കാപ്പിയുമായോ ചായയുമായോ യാതൊരു ബന്ധവും ഇല്ല കേട്ടോ. പണ്ട് ഞങ്ങളുടെ തറവാട്ടിൽ ഒരുപാടു പ്രാവശ്യം കാപ്പി അല്ലെങ്കിൽ ചായ ഉണ്ടാക്കിയിരുന്നു. അതും അളവ് കുറച്ചൊന്നുമല്ലതാനും. അംഗങ്ങൾ കൂടുതലുള്ളതുകൊണ്ട് വലിയ കലത്തിലാണ് ഉണ്ടാക്കുക. വെളുപ്പിനൊരു കലം കട്ടൻകാപ്പി, പിന്നെ ഒരു ചായ, അതു കഴിഞ്ഞൊരു പത്തുമണിക്കാപ്പി, പിന്നെ നാലുമണിക്കാപ്പി, എഴുമണിക്കാപ്പി അങ്ങനെ പോകും കാപ്പി/ചായയുടെ കഥ. ഇതിലേതെങ്കിലും ഒന്നോ രണ്ടോ തവണ ഗോതമ്പുകാപ്പിയായിരിക്കും. കാപ്പിപ്പൊടിയുടേയും ചായപ്പൊടിയുടേയുമൊക്കെ ചിലവ് ലാഭിക്കാൻ കണ്ടുപിടിച്ച വഴികളിൽ നിന്നായിരിക്കണം ഗോതമ്പുകാപ്പി എന്ന പാനീയത്തിന്റെ ഉത്ഭവം. ഇത് ഹോർലിക്സാണെന്നു പറഞ്ഞ് പണ്ട് കുട്ടികളെ പറ്റിച്ചിരുന്നു!

ഇതിനാവശ്യമുള്ള സാധനങ്ങൾ:

ഗോതമ്പ്
വെള്ളം
പാൽ
പഞ്ചസാര/ശർക്കര

ഉണ്ടാക്കുന്ന വിധം:

ഗോതമ്പ് ഒരു ചീനച്ചട്ടിയിലിട്ട് നന്നായി വറുക്കുക.

വറുത്ത ഗോതമ്പ് പൊടിക്കുക. നമ്മുടെ ഹോർലിക്സ് റെഡിയായി. ആവശ്യത്തിനെടുത്ത് ബാക്കിയുള്ളത് സൂക്ഷിച്ചു വയ്ക്കാം.

വെള്ളമയമില്ലാത്ത ഒരു പാത്രത്തിൽ ഒരു സ്പൂൺ ഗോതമ്പുപൊടി ഇട്ടു വയ്ക്കുക.

ഇനി, വെള്ളവും പാലും(ഒരു ഗ്ലാസ് കാപ്പിക്ക് അരഗ്ലാസ് വെള്ളം, അരഗ്ലാസ് പാൽ എന്ന കണക്കിൽ) പാകത്തിന് പഞ്ചസാരയും ചേർത്ത് അടുപ്പത്തുവയ്ക്കുക. തിളച്ചാലുടനെ വാങ്ങി ഗോതമ്പുപൊടിയിലേക്കൊഴിച്ച് നന്നായി ഇളക്കി യോജിപ്പിക്കുക. ഒഴിച്ച ഉടനെ നന്നായി ഇളക്കിയില്ലെങ്കിൽ ഗോതമ്പുപൊടി കട്ടയായിപ്പോവും.

പഞ്ചസാരയ്ക്കു പകരം ശർക്കര ഉപയോഗിക്കാം.

ഇത്രേയുള്ളു! ഇതാണ് ഗോതമ്പുകാപ്പി അഥവാ നാടൻ ഹോർലിക്സ്! ചൂടോടെയോ അല്ലാതെയോ കഴിക്കാം. നല്ല ചൂടോടെ കഴിയ്ക്കുന്നതിനേക്കാൾ സ്വാദ്, ചൂടൊന്നാറിയശേഷം കഴിക്കുന്നതാണെന്ന് അനുഭവം. അനക്കാതെ കുറച്ചുനേരം വച്ചിരുന്നാൽ ഗോതമ്പുതരി താഴെ അടിയും. ഇത് പിന്നീട് സ്പൂൺകൊണ്ട് കോരിക്കഴിക്കാനും നല്ലതാണ്.

ഗോതമ്പുകാപ്പിയും കൊള്ളിക്കിഴങ്ങ് ചുട്ടതും നല്ല കോമ്പിനേഷനാണ്.

ഈ ബ്ലോഗിനേക്കുറിച്ച്...

ഒരു പാചകവിദഗ്ദ്ധയാണെന്ന അവകാശവാദമൊന്നും ഇല്ല കേട്ടോ.. എനിയ്ക്കറിയാവുന്ന ചിലത് നിങ്ങളുമായി പങ്കുവയ്ക്കുന്നു എന്നുമാത്രം.
പണ്ടത്തെ തനതു വിഭവങ്ങളെ അതേപടി, അതേ പേരുകളോടെ‍ തന്നെയാണ് ഇവിടെ പരിചയപ്പെടുത്തുന്നത്. പേരുകള്‍ക്കോ, ഉണ്ടാക്കുന്ന രീതികള്‍ക്കോ പ്രാദേശികമായ വ്യത്യാസങ്ങളുണ്ടാകുമല്ലോ. അതേക്കുറിച്ചുള്ള അന്വേഷണം കൂടിയാണ് ഓരോ കുറിപ്പും. നിങ്ങൾക്കറിയാവുന്നത് പറയുമല്ലോ..?
ഇതിൽ പറയുന്ന കുറിപ്പുകളിൽ ഏതെങ്കിലും നിങ്ങൾക്ക് ഇഷ്ടപ്പെട്ടുവെങ്കിൽ, ഉപകാരപ്രദമായെങ്കിൽ, അതിന് ഞാൻ കടപ്പെട്ടിരിക്കുന്നത് അടുക്കളയെന്ന ലോകം നന്നായറിഞ്ഞു വളർന്ന സാഹചര്യങ്ങളോടും എന്റെ അമ്മയോടുമാണ്.

19 പേർ അഭിപ്രായമറിയിച്ചു:

ശ്രീ said...: ആദ്യമായാണ് ഗോതമ്പ് കാപ്പി എന്ന് കേള്‍ക്കുന്നതു തന്നെ. ഉണ്ടാക്കന്‍ അത്ര ബുദ്ധിമുട്ടില്ലല്ലോ. ഒന്നു ശ്രമിച്ച് നോക്കാം :); November 26, 2012 at 1:02 PM
niDheEsH kRisHnaN @ ~അമൃതംഗമയ~ said...: ഇത് ഐറ്റം കൊള്ളാം; November 26, 2012 at 2:46 PM
rani arun said...: wat an idea chechi!!!bookmarked this recipe:); November 26, 2012 at 4:48 PM
rani arun said...: can we use readymade gothambu podi(whole wheat flour)??; November 26, 2012 at 4:53 PM
Cv Thankappan said...: കേട്ടിട്ടില്ല.എളുപ്പത്തില്‍ ഉണ്ടാക്കാവുന്ന
ഐറ്റം കൊള്ളാമല്ലോ ടീച്ചര്‍.,.
ആശംസകള്‍; November 26, 2012 at 8:34 PM
Mélange said...: ho,athoru velipaadaanu ketto Bindu.Ithuvare ariyatha onnu.Bindu paranjathu pole kidilan oru naadan horlicks.I mean better than that.kaaranam we are sure of ingredients.mattethu nammalkku ketta arivalleyullu.enthayalum ee ancestorsinte budhi,athu sammathichu koduthe pattu ! (pinne ippozhum ithu orthu blog cheyyunna oru pingami undayathu sukrutha.Cheers to you); November 27, 2012 at 10:19 AM
MONALIZA said...: I WILL TRY IT :); November 27, 2012 at 6:47 PM
Nisha Ajith said...: puthiya oru vibhavam aanallo chechi... kananum ithinte peru kekkanum oru rasam undu :); November 28, 2012 at 11:12 AM
ഷൈജു.എ.എച്ച് said...: അയ്യടാ....!!!

ഇതു കൊള്ളാമല്ലോ ! ശരിക്കും ഇതു എനിക്ക് ഒരു പുതിയ അറിവും പുതുമയുമായി കേട്ടോ.. ശരിക്കും പരീക്ഷിച്ചു നോക്കേണ്ടത് തന്നെ..

ഈ ആരോഗ്യ ശ്രീമാന്‍ ഗോതമ്പ് കാപ്പി / ചായ & കൊള്ളി സല്ക്കാരത്തിനു ഒരു പാട് നന്ദി...

ഇവിടെ ഇപ്പോള്‍ വരാന്‍ തോന്നിയത് എന്റെ ഭാഗ്യം.

അടുക്കളത്തളത്തിന് ഒരായിരം അഭിനന്ദനങ്ങള്‍....

www.ettavattam.blogspot.com; November 28, 2012 at 12:42 PM
കാഴ്ചകളിലൂടെ said...: ഇതു കൊള്ളാമല്ലോ ! ആശംസകള്; November 28, 2012 at 1:17 PM
രഘു said...: കൊള്ളാലോ! പടങ്ങള്‍ ചേര്‍ത്തുള്ള പറച്ചില്‍ വളരെ ഉപകാരപ്രദം. പടങ്ങളും നന്നാവുന്നുണ്ട് :)

സാധാരണ ചായ എങ്ങനെ നന്നായി ഉണ്ടാക്കം എന്നൊന്നു എഴുതാമോ?
ചായ ഉണ്ടാക്കാന്‍ അറിയാഞ്ഞിട്ടല്ല, ഉണ്ടാക്കിയിട്ടില്ല്ലാത്തതുമല്ല. എപ്പൊഴുമൊന്നും ശരിയാവുന്നില്ല :(
അനുപാതങ്ങളൊക്കെ ഒന്ന് കൃത്യമായറിഞ്ഞിരുന്നെങ്കില്‍ ഉപകാരമായേനേ!; November 29, 2012 at 1:02 PM
Unknown said...: Njan adyamayitta gothambu kappiye kurichu kelkkunnathu thanne; December 1, 2012 at 8:19 AM
Bindhu Unny said...: കേട്ടിട്ടുമില്ല, കുടിച്ചിട്ടൂമില്ല. ഇപ്പോ കേട്ട സ്ഥിതിക്ക് ഉണ്ടാക്കി കുടിച്ച് നോക്കണം. :); December 4, 2012 at 11:23 AM
vipingovindam said...: supper......; December 4, 2012 at 2:39 PM
saji Varghese said...: എനികെന്താണീ ബുദ്ധി നേരത്തെ തോനാത്തത് ......; January 26, 2013 at 4:47 PM
Unknown said...: really appriciate you. good attempt. please post like this intersting recipies; March 3, 2013 at 2:37 PM
Unknown said...: good attempt. very useful. plse post again such interesting receipe; March 3, 2013 at 2:42 PM
drpmalankot said...: ഒരു നാല് അഞ്ചു പതിറ്റാണ്ടുകൾക്ക് മുമ്പുതന്നെ എന്റെ അമ്മ ഇത് എനിക്ക് ഉണ്ടാക്കിത്തന്നിട്ടുണ്ട്! പച്ചസാരക്ക് പകരം വെല്ലം ഇടും. ഗോതമ്പ് കാപ്പി എന്ന് അമ്മ പറയുമ്പോൾ അതിനു ഇത് കാപ്പി അല്ലല്ലോ എന്ന് ഞാൻ പറഞ്ഞിട്ടുമുണ്ട്! ആ പഴയകാലത്തേക്ക് കൂട്ടിക്കൊണ്ടുപോയതിൽ സന്തോഷം, നന്ദി.; March 22, 2013 at 1:56 AM
ബഷീർ said...: പേരു കണ്ടു ഒന്ന് ഞെട്ടാതിരുന്നില്ല. ഒന്ന് പരീക്ഷിക്കണം.. ( പുതിയ വിഭവങ്ങൾ ഒന്നുമായില്ലെ ?; June 27, 2013 at 8:22 PM

ഞാന്‍.....

അടുക്കളച്ചൊല്ലുകള്‍.....

വിഭാഗങ്ങള്‍:

ഊണിനു സമയമായോ......?

മലയാളം ബ്ലോഗുകള്‍ ലിസ്റ്റ് ചെയ്യപ്പെടുന്ന ഇടങ്ങള്‍:

ഗോതമ്പുകാപ്പി

19 പേർ അഭിപ്രായമറിയിച്ചു:

ഈ ബ്ലോഗിനേക്കുറിച്ച്...

എന്റെ മറ്റു ബ്ലോഗുകള്‍:

ഇപ്പോള്‍ വിരുന്നിനെത്തിവര്‍:

ഇതുവരെ സ്വാദു നോക്കിയവർ

Followers

പ്രധാന ബ്ലോഗിംഗ് സഹായികള്‍: