അടുക്കളത്തളം: വഴുതനങ്ങ മസാല

അടുക്കളച്ചൊല്ലുകള്‍.....

“അന്ന വിചാരം മുന്നവിചാരം, പിന്നെ വിചാരം കാര്യവിചാരം”
“ഉപ്പോളം വരുമോ ഉപ്പിലിട്ടത്”
“അരി വിതച്ചാൽ നെല്ലു വിളയാ”
“മുളയിലറിയാം വിള”
“ആര്യൻ വിതച്ചാൽ നവര വിളയുമോ?”
“നവര നട്ടാൽ തുവരയുണ്ടാകുമോ?”
“ഒരു വിത്ത് വിതച്ചാൽ പല വിത്ത് വിളയാ”
“കണ്ണൻ വാഴച്ചുവട്ടിൽ കദളിവാഴയുണ്ടാകുമോ?”
“അമരയും അപരാധവും കുറച്ചുമതി”
“ഉണ്ണാനില്ലാഞ്ഞാൽ വിത്ത്; ഉടുക്കാനില്ലാഞ്ഞാൽ പട്ട്”
“വിത്തുഗുണം പത്തുഗുണം”
“ചൊല്ല് പഴയതായാലും വിത്ത് പഴയതാവരുത്”
“വിശപ്പിനു രുചിയില്ല”
“തവിയറിയുമോ കറിയുടെ രസം?”
“കാന്താരിമുളകെന്തിനാ അധികം?”
“കർക്കിടകച്ചേന കട്ടിട്ടെങ്കിലും തിന്നണം”
“മെല്ലെത്തിന്നാൽ മുള്ളും തിന്നാം”
“പയ്യെത്തിന്നാൽ പനയും തിന്നാം”
“വിത്തെടുത്തുണ്ണരുത്”
“ഉണ്ടെങ്കിലോണം പോലെ ഇല്ലെങ്കിലേകാദശി”
“വെളുക്കുന്നതിനു മുൻപേ അരിവെയ്ക്കണം; അരിവെയ്ക്കുന്നതിനു മുൻപേ കറിവെയ്ക്കരുത്”
“വേണമെങ്കിൽ ചക്ക വേരിലും കായ്ക്കും!”
“എണ്ണിയ പയറ് അളക്കേണ്ട”
“മരത്തിന് കായ കനമല്ല”
“ഉരിനെല്ലൂരാൻ പോയിട്ട് പത്തുപറ നെല്ല് പന്നി തിന്നു”
“മക്കളെ കണ്ടും മാമ്പൂ കണ്ടും കൊതിക്കരുത്”
“ഉച്ചാറലുച്ചയ്ക്ക് വെള്ളാരി നട്ടാൽ വിഷു ഉച്ചയ്ക്ക് പറിക്കാം”
“കർക്കിടകത്തിൽ പത്തില കറിവെച്ചു കൂട്ടണം”
“കാണം വിറ്റും ഓണം ഉണ്ണണം”
“പത്തായം പട്ടിണി കിടക്കരുത്”
“നിലം നികത്തി വീടു വയ്ക്കരുത്”
“തൊഴുതുണ്ണുന്ന ചോറിനേക്കാ‍ൾ ഉഴുതുണ്ണുന്ന ചോറ്”
“വാഴ നനഞ്ഞാൽ ചീരയും നനയും”
“കയ്യാടിയാലേ വയറാടൂ”
“അവിയലിൽ ചേരാത്ത കഷ്ണമില്ല!”
“അണ്ടിയോടടുക്കുമ്പോഴറിയാം, മാങ്ങയുടെ പുളി!”
“അത്താഴമുണ്ടാൽ അരക്കാതം നടക്കണം, മുത്താഴമുണ്ടാൽ മുള്ളിലും കിടക്കണം”
“അധികം വിളഞ്ഞാൽ വിത്തിനും കൊള്ളാ”
“അധികമായാൽ അമൃതും വിഷം”
“അപ്പം തിന്നാൽ മതി; കുഴിയെണ്ണേണ്ട”
“അമ്മിയോടു ചോദിച്ചിട്ടാണോ അരയ്ക്കുന്നത്?”
“അരനാഴിയേ ഉള്ളെങ്കിലും അടുപ്പുകല്ലു മൂന്നു വേണം”
“അരിയെത്ര? പയറഞ്ഞാഴി”
“അഴകുള്ള ചക്കയിൽ ചുളയില്ല!”
“ആറ്റിൽ കളഞ്ഞാലും അളന്നു കളയണം”
“ഉണ്ട ചോറിൽ കല്ലിടരുത്”
“ഉണ്ടവന് പാ കിട്ടാഞ്ഞ്, ഉണ്ണാത്തവന് ഇല കിട്ടാഞ്ഞ്”
“ഉപ്പു തിന്നവൻ വെള്ളം കുടിക്കും”
“ഉള്ള കഞ്ഞിയിൽ പാറ്റ ഇടുക”
“എണ്ണിച്ചുട്ട അപ്പം പോലെ”
“എല്ലു മുറിയെ പണിതാൽ പല്ലു മുറിയേ തിന്നാം”
“കല്ലാടും മുറ്റത്ത് നെല്ലാടുകില്ല”
“കറിക്ക് ചേരാത്ത കഷ്ണം നുറുക്കരുത്”
“ചക്കയ്ക്ക് ചുക്ക്; മാങ്ങയ്ക്ക് തേങ്ങ”
“ഞാറുറച്ചാൽ ചോറുറച്ചു”
“തിന്ന ചോറിന് നന്ദി വേണം”
“മത്ത കുത്തിയാൽ കുമ്പളം മുളയ്ക്കുമോ?”
“പത്തായം പെറും, ചക്കി കുത്തും, അമ്മ വയ്ക്കും, ഞാനുണ്ണും”
“പന്തിയ്ക്കു മുമ്പും പടയ്ക്കു പിമ്പും ”
“പറ നിറയെ പതിരാണെങ്കിലും പാറ്റി നോക്കിയാൽ മണി കാണാം”
“ആലോലനീലമിഴിയാം പ്രിയയാൾ വിളമ്പും ഓലോലനൊന്നു മതി; എന്തിന്നു നൂറു കൂട്ടം?”

വഴുതനങ്ങ കൊണ്ടുള്ള ഈ മസാലക്കറി തെലുങ്കരുടെ വിശേഷവിഭവമാണ്. “ബൈങ്കന്‍/ബൈഗന്‍ മസാല” എന്നാണ് അവര്‍ പറയുന്നത്. ഇതുണ്ടാക്കുന്നതെങ്ങനെയെന്ന് പറയാം:

ആവശ്യമുള്ള സാധനങ്ങള്‍:

ചെറിയ ഉണ്ടവഴുതനങ്ങ - അര കിലോ (ഏറ്റവും ചെറുത് നോക്കിയെടുക്കുക)
കപ്പലണ്ടി - 75 ഗ്രാം
എള്ള് - ഒരു പിടി
സവാള - (ഇടത്തരം) രണ്ട്
പച്ചമുളക് - 3
ഇഞ്ചി-വെളുത്തുള്ളി പേസ്റ്റ് - ഒരു ടീ സ്പൂണ്‍
തേങ്ങ ചിരകിയത് - രണ്ട് വലിയ സ്പൂണ്‍
മഞ്ഞള്‍പ്പൊടി - പാകത്തിന്
മുളകുപൊടി - പാകത്തിന്
ഗരം മസാല - ഒരു റ്റീസ്പൂണ്‍
ജീരകം - അര ടീസ്പൂണ്‍
ശര്‍ക്കര - തീരെ ചെറിയ ഒരു കഷ്ണം
പുളി - ഒരു നെല്ലിക്കാ വലുപ്പം
വറുക്കാനുള്ള കടുക്, മുളക്, കറിവേപ്പില
എതെങ്കിലും പാചക എണ്ണ - ആവശ്യത്തിന് (ഈ കറിക്ക് വെളിച്ചെണ്ണ അനുയോജ്യമല്ല)
പാകത്തിന് ഉപ്പ്
മല്ലിയില

ഉണ്ടാക്കുന്ന വിധം:

കപ്പലണ്ടിയും എള്ളും വെവ്വേറെ വറുത്തശേഷം തരുതരുപ്പായി പൊടിച്ചുവയ്ക്കുക.

വഴുതനങ്ങയുടെ ഞെട്ട് മാറ്റിയശേഷം, ഞെട്ടുഭാഗം വിട്ടുപോരാത്ത രീതിയില്‍ നാലാക്കി മുറിക്കുക. (അഥവാ വിട്ടുപോന്നാലും പേടിക്കേണ്ട. പോലീസ് പിടിക്കുകയൊന്നുമില്ല).

ഒരു നോണ്‍ സ്റ്റിക്ക് പാനില്‍ എണ്ണയൊഴിച്ച് വഴുതനങ്ങയിട്ട് ചെറുതീയില്‍ നന്നായി വഴറ്റുക. അടച്ചു വച്ചാല്‍ ഉള്‍ഭാഗം നന്നായി വെന്തുകിട്ടുകയും ചെയ്യും. എല്ലാ വശവും മൊരിയാനായി ഇടയ്ക്കിടെ അടപ്പുമാറ്റി തിരിച്ചും മറിച്ചുമിടണം. നന്നായി മൊരിഞ്ഞ് ബ്രൗണ്‍ നിറമാവണം.

ദാ കണ്ടോ, വഴുതനങ്ങ കിടക്കുന്ന കിടപ്പ്! പാവം!

വഴറ്റിയ വഴുതനങ്ങ മാറ്റിയശേഷം അതേ പാനില്‍ എണ്ണയൊഴിച്ച് കടുകും മുളകും കറിവേപ്പിലയും വറുക്കുക. ഇതിലേക്ക് ജീരകം ചേർത്ത് മൂത്തമണം വന്നാല്‍ സവാള ചെറുതായി അരിഞ്ഞതും പച്ചമുളക് നീളത്തിലരിഞ്ഞതും ഇഞ്ചി-വെളുത്തുള്ളി പേസ്റ്റും ഇട്ട് വഴറ്റുക. ഒരുവിധം വഴണ്ടുവരുമ്പോള്‍ തേങ്ങയും ഇട്ടിളക്കുക.

അതിലേക്ക് മഞ്ഞൾപ്പൊടി, മുളകുപൊടി, ഗരം മസാല എന്നിവ ചേർത്തിളക്കിയശേഷം പുളി പിഴിഞ്ഞെടുത്ത വെള്ളവും പാകത്തിന് ഉപ്പും ശർക്കരയും ചേർക്കുക.

അതിനുശേഷം കപ്പലണ്ടി-എള്ള് മിശ്രിതം ചേർത്ത് നന്നായി യോജിപ്പിക്കുക. (ഈ മിശ്രിതമാണ് ഈ കറിയിലെ താരം).

അവസാനം വഴറ്റിവച്ചിരിക്കുന്ന വഴുതനങ്ങയും ചേർത്തിളക്കുക.

എല്ലാം കൂടി നന്നായി യോജിച്ച്, മൊരിഞ്ഞുകിട്ടാനായി ചെറുതീയിൽ കുറച്ചുനേരം കൂടി വയ്ക്കുക. വാങ്ങുന്നതിനു മുമ്പ് മല്ലിയില പൊടിയായി അരിഞ്ഞത് ചേർക്കുക.

വഴുതനങ്ങ മസാല റെഡി! വളരെ രുചികരമാണ് ഇത്. വഴുതനങ്ങ ഇഷ്ടമല്ലാത്തവർക്കുപോലും ഇഷ്ടപ്പെടും. പരീക്ഷിച്ചുനോക്കൂ.... (തെലുങ്കർ വളരെയധികം എണ്ണ ഉപയോഗിച്ചുകൊണ്ടുള്ള മറ്റൊരു രീതിയിലാണ് ഉണ്ടാക്കുന്നത്. ആ രീതി ഞാനൊന്നു മാറ്റിയെന്നു മാത്രം).

ചപ്പാത്തിക്ക് അനുയോജ്യമായ കറിയാണിത്.

ഈ ബ്ലോഗിനേക്കുറിച്ച്...

ഒരു പാചകവിദഗ്ദ്ധയാണെന്ന അവകാശവാദമൊന്നും ഇല്ല കേട്ടോ.. എനിയ്ക്കറിയാവുന്ന ചിലത് നിങ്ങളുമായി പങ്കുവയ്ക്കുന്നു എന്നുമാത്രം.
പണ്ടത്തെ തനതു വിഭവങ്ങളെ അതേപടി, അതേ പേരുകളോടെ‍ തന്നെയാണ് ഇവിടെ പരിചയപ്പെടുത്തുന്നത്. പേരുകള്‍ക്കോ, ഉണ്ടാക്കുന്ന രീതികള്‍ക്കോ പ്രാദേശികമായ വ്യത്യാസങ്ങളുണ്ടാകുമല്ലോ. അതേക്കുറിച്ചുള്ള അന്വേഷണം കൂടിയാണ് ഓരോ കുറിപ്പും. നിങ്ങൾക്കറിയാവുന്നത് പറയുമല്ലോ..?
ഇതിൽ പറയുന്ന കുറിപ്പുകളിൽ ഏതെങ്കിലും നിങ്ങൾക്ക് ഇഷ്ടപ്പെട്ടുവെങ്കിൽ, ഉപകാരപ്രദമായെങ്കിൽ, അതിന് ഞാൻ കടപ്പെട്ടിരിക്കുന്നത് അടുക്കളയെന്ന ലോകം നന്നായറിഞ്ഞു വളർന്ന സാഹചര്യങ്ങളോടും എന്റെ അമ്മയോടുമാണ്.

10 പേർ അഭിപ്രായമറിയിച്ചു:

jyo.mds said...: ബിന്ദു,ഇത് കഴിച്ചിട്ടുണ്ട്-വളരെ tasty ആണ്.പാചകവിവരണവും,ഫോട്ടോസും tempting ആണ്.ഈ ഉണ്ടവഴുതനങ്ങ ഇവിടെ പലപ്പോഴും കിട്ടാറില്ല.കിട്ടിയാല്‍ ഉടനെ മസാല ഉണ്ടാക്കണം.ആശംസകള്‍.; October 17, 2011 at 11:16 AM
കാസിം തങ്ങള്‍ said...: എനിക്കത്ര ഇഷ്ടമില്ലാത്ത സാധനാമാണ് വഴുതന. എന്നാലും ഇതിന്റെ ടേസ്റ്റൊന്ന് നോക്കണം.; October 17, 2011 at 12:02 PM
പ്രേം I prem said...: ചേച്ചി ... ഒക്കെ ചേര്‍ത്ത് വച്ച് ഒരു പാചക വിദഗ്ധ ബുക്ക്‌ തയ്യാറാക്കാലോ .... അടിപൊളിയായി ബിരിയാണി എങ്ങിനെയാക്കാം വീട്ടുകാരുടെ മുന്‍പില്‍ ഒന്ന് ഷൈന്‍ ചെയ്യാലോ ...; October 17, 2011 at 2:50 PM
മുരളീധരന്‍ വി പി said...: ബൈഗണ്‍ ബര്‍ത്ത ആണോ ഇത്? ചേരുവകള്‍ നോക്കുമ്പോള്‍ നന്നാവാതിരിക്കാന്‍ തരമില്ല.; October 18, 2011 at 11:51 PM
ഘടോല്‍കചന്‍ said...: കൊള്ളാം .. ഒന്നു പരീക്ഷിക്കണം.

@ മുരളി :- ബേഗന്‍ ബര്‍ത്ത ഇതല്ല. അത് ഒരു പക്കാ നോര്‍ത്തിന്‍ഡ്യന്‍ വിഭവം ആണ്.ആതിന് വഴുതനങ്ങ തീയില്‍ ചുട്ടെടുക്കണമെന്നാണ് തോന്നുന്നത്. രുചിയുടെ കാര്യത്തില്‍ അവനും കേമനാണ്.; October 20, 2011 at 6:11 PM
my world said...: Hi Bindhu
I tried the brinjal masala yesterday and it was great. thanks for uploading such a great recipe.
Sindhu; November 1, 2011 at 7:52 PM
Unknown said...: did u use the black sesame seeds?; July 14, 2012 at 2:20 AM
ബിന്ദു കെ പി said...: @draco tucky: You can use either black or white sesame seeds. No Problem; July 14, 2012 at 2:36 PM
Unknown said...: can u tell me the 75 grms of peanuts to the cup conversion plse? thank you; July 18, 2012 at 5:39 AM
ബിന്ദു കെ പി said...: @draco tucky: 75gms is almost equal to 3/4th of a cup.; July 18, 2012 at 9:28 PM

ഞാന്‍.....

അടുക്കളച്ചൊല്ലുകള്‍.....

വിഭാഗങ്ങള്‍:

ഊണിനു സമയമായോ......?

മലയാളം ബ്ലോഗുകള്‍ ലിസ്റ്റ് ചെയ്യപ്പെടുന്ന ഇടങ്ങള്‍:

വഴുതനങ്ങ മസാല

10 പേർ അഭിപ്രായമറിയിച്ചു:

ഈ ബ്ലോഗിനേക്കുറിച്ച്...

എന്റെ മറ്റു ബ്ലോഗുകള്‍:

ഇപ്പോള്‍ വിരുന്നിനെത്തിവര്‍:

ഇതുവരെ സ്വാദു നോക്കിയവർ

Followers

പ്രധാന ബ്ലോഗിംഗ് സഹായികള്‍: