അടുക്കളത്തളം: റവ ലഡ്ഡു

അടുക്കളച്ചൊല്ലുകള്‍.....

“അന്ന വിചാരം മുന്നവിചാരം, പിന്നെ വിചാരം കാര്യവിചാരം”
“ഉപ്പോളം വരുമോ ഉപ്പിലിട്ടത്”
“അരി വിതച്ചാൽ നെല്ലു വിളയാ”
“മുളയിലറിയാം വിള”
“ആര്യൻ വിതച്ചാൽ നവര വിളയുമോ?”
“നവര നട്ടാൽ തുവരയുണ്ടാകുമോ?”
“ഒരു വിത്ത് വിതച്ചാൽ പല വിത്ത് വിളയാ”
“കണ്ണൻ വാഴച്ചുവട്ടിൽ കദളിവാഴയുണ്ടാകുമോ?”
“അമരയും അപരാധവും കുറച്ചുമതി”
“ഉണ്ണാനില്ലാഞ്ഞാൽ വിത്ത്; ഉടുക്കാനില്ലാഞ്ഞാൽ പട്ട്”
“വിത്തുഗുണം പത്തുഗുണം”
“ചൊല്ല് പഴയതായാലും വിത്ത് പഴയതാവരുത്”
“വിശപ്പിനു രുചിയില്ല”
“തവിയറിയുമോ കറിയുടെ രസം?”
“കാന്താരിമുളകെന്തിനാ അധികം?”
“കർക്കിടകച്ചേന കട്ടിട്ടെങ്കിലും തിന്നണം”
“മെല്ലെത്തിന്നാൽ മുള്ളും തിന്നാം”
“പയ്യെത്തിന്നാൽ പനയും തിന്നാം”
“വിത്തെടുത്തുണ്ണരുത്”
“ഉണ്ടെങ്കിലോണം പോലെ ഇല്ലെങ്കിലേകാദശി”
“വെളുക്കുന്നതിനു മുൻപേ അരിവെയ്ക്കണം; അരിവെയ്ക്കുന്നതിനു മുൻപേ കറിവെയ്ക്കരുത്”
“വേണമെങ്കിൽ ചക്ക വേരിലും കായ്ക്കും!”
“എണ്ണിയ പയറ് അളക്കേണ്ട”
“മരത്തിന് കായ കനമല്ല”
“ഉരിനെല്ലൂരാൻ പോയിട്ട് പത്തുപറ നെല്ല് പന്നി തിന്നു”
“മക്കളെ കണ്ടും മാമ്പൂ കണ്ടും കൊതിക്കരുത്”
“ഉച്ചാറലുച്ചയ്ക്ക് വെള്ളാരി നട്ടാൽ വിഷു ഉച്ചയ്ക്ക് പറിക്കാം”
“കർക്കിടകത്തിൽ പത്തില കറിവെച്ചു കൂട്ടണം”
“കാണം വിറ്റും ഓണം ഉണ്ണണം”
“പത്തായം പട്ടിണി കിടക്കരുത്”
“നിലം നികത്തി വീടു വയ്ക്കരുത്”
“തൊഴുതുണ്ണുന്ന ചോറിനേക്കാ‍ൾ ഉഴുതുണ്ണുന്ന ചോറ്”
“വാഴ നനഞ്ഞാൽ ചീരയും നനയും”
“കയ്യാടിയാലേ വയറാടൂ”
“അവിയലിൽ ചേരാത്ത കഷ്ണമില്ല!”
“അണ്ടിയോടടുക്കുമ്പോഴറിയാം, മാങ്ങയുടെ പുളി!”
“അത്താഴമുണ്ടാൽ അരക്കാതം നടക്കണം, മുത്താഴമുണ്ടാൽ മുള്ളിലും കിടക്കണം”
“അധികം വിളഞ്ഞാൽ വിത്തിനും കൊള്ളാ”
“അധികമായാൽ അമൃതും വിഷം”
“അപ്പം തിന്നാൽ മതി; കുഴിയെണ്ണേണ്ട”
“അമ്മിയോടു ചോദിച്ചിട്ടാണോ അരയ്ക്കുന്നത്?”
“അരനാഴിയേ ഉള്ളെങ്കിലും അടുപ്പുകല്ലു മൂന്നു വേണം”
“അരിയെത്ര? പയറഞ്ഞാഴി”
“അഴകുള്ള ചക്കയിൽ ചുളയില്ല!”
“ആറ്റിൽ കളഞ്ഞാലും അളന്നു കളയണം”
“ഉണ്ട ചോറിൽ കല്ലിടരുത്”
“ഉണ്ടവന് പാ കിട്ടാഞ്ഞ്, ഉണ്ണാത്തവന് ഇല കിട്ടാഞ്ഞ്”
“ഉപ്പു തിന്നവൻ വെള്ളം കുടിക്കും”
“ഉള്ള കഞ്ഞിയിൽ പാറ്റ ഇടുക”
“എണ്ണിച്ചുട്ട അപ്പം പോലെ”
“എല്ലു മുറിയെ പണിതാൽ പല്ലു മുറിയേ തിന്നാം”
“കല്ലാടും മുറ്റത്ത് നെല്ലാടുകില്ല”
“കറിക്ക് ചേരാത്ത കഷ്ണം നുറുക്കരുത്”
“ചക്കയ്ക്ക് ചുക്ക്; മാങ്ങയ്ക്ക് തേങ്ങ”
“ഞാറുറച്ചാൽ ചോറുറച്ചു”
“തിന്ന ചോറിന് നന്ദി വേണം”
“മത്ത കുത്തിയാൽ കുമ്പളം മുളയ്ക്കുമോ?”
“പത്തായം പെറും, ചക്കി കുത്തും, അമ്മ വയ്ക്കും, ഞാനുണ്ണും”
“പന്തിയ്ക്കു മുമ്പും പടയ്ക്കു പിമ്പും ”
“പറ നിറയെ പതിരാണെങ്കിലും പാറ്റി നോക്കിയാൽ മണി കാണാം”
“ആലോലനീലമിഴിയാം പ്രിയയാൾ വിളമ്പും ഓലോലനൊന്നു മതി; എന്തിന്നു നൂറു കൂട്ടം?”

ആവശ്യമുള്ള സാധനങ്ങൾ:

റവ - 2 ഗ്ലാസ്

പഞ്ചസാര - ആവശ്യാനുസരണം ഒന്നര മുതൽ രണ്ട് ഗ്ലാസ് വരെ എടുക്കാം.
ഏലക്കായ, കശുവണ്ടി, ഉണക്കമുന്തിരിങ്ങ(കറുത്ത മുന്തിരിയാണ് കാണാൻ ഭംഗി) - ആവശ്യത്തിന്.
പാൽ - കുറച്ച്

തേങ്ങാപ്പൊടി - ഒരു ഗ്ലാസ് (ഇത് സൂപ്പർമാർക്കറ്റുകളിൽ വാങ്ങാൻ കിട്ടും). ഇല്ലെങ്കിൽ കൊപ്ര ചെറുതായി നുറുക്കിയെടുത്ത് മിക്സിയിൽ പൊടിച്ചെടുക്കുക. അതുമല്ലെങ്കിൽ തേങ്ങ ചിരകിയത് നന്നായി വറുത്തശേഷം പൊടിച്ചെടുക്കുക. അല്ല പിന്നെ!!

ഉണ്ടാക്കുന്ന വിധം:-

വളരെ എളുപ്പമാണ് ഇതുണ്ടാക്കാൻ. അദ്യം തന്നെ റവ ഒന്നു വറുത്തെടുക്കുക. ചുവക്കെ വറുക്കണമെന്നില്ല. പച്ചമണം മാറിയാൽ മതി. പിന്നെ റവയും പഞ്ചസാരയും(പഞ്ചസാ‍ര ആദ്യം ഒന്നര ഗ്ലാസ് ഇട്ടാൽ മതി) തേങ്ങാപ്പൊടിയും ഏലക്കായ തൊലികളഞ്ഞതും മിക്സിയിൽ ഒന്നിച്ചിട്ട് തരുതരുപ്പായി പൊടിച്ചെടുക്കുക. ഈ ഘട്ടത്തിൽ മധുരം പാകത്തിനാനോ എന്നു നോക്കി കൂടുതൽ പഞ്ചസാര വേണമെങ്കിൽ ചേർത്ത് ഒന്നു കൂടി പൊടിക്കുക. കശുവണ്ടിപ്പരിപ്പ് ചെറുതായി നുറുക്കിയതും മുന്തിരിങ്ങയും നെയ്യിൽ വറുത്തെടുക്കുക. ഇതും വറുക്കാനുപയോഗിച്ച നെയ്യ് ബാക്കിയുള്ളതും (വേണമെങ്കിൽ ഒരു സ്പൂൺ നെയ്യും കൂടി ചേർക്കാം) പൊടിയിലേക്ക് ചേർത്ത് നന്നായി മിക്സ് ചെയ്യുക.

ഇതിലേക്ക് പാൽ കുറേശ്ശെയായി തളിച്ച് പുട്ടിന്റെ പൊടി നനയ്ക്കുന്നതുപോലെ യോജിപ്പിക്കുക. ഏകദേശം ഉരുട്ടിയെടുക്കാവുന്ന പരുവത്തിലാവുന്നതുവരെ പാൽ ഇങ്ങനെ ചേർക്കണം. ഒരുപിടി പൊടിയെടുത്ത് കൈയ്യിൽ വച്ച് അമർത്തിയാൽ പൊടിഞ്ഞുപോരാതെ ഉറച്ചിരിക്കുന്നുവെങ്കിൽ അതാണ് പാകം. ഇനി കൈയ്യിൽ കുറച്ച് നെയ്യ് പുരട്ടിയശേഷം(കുറച്ചു പാൽ ഒരു പ്ലേറ്റിൽ എടുത്ത് കൈവെള്ള ഇടയ്ക്കിടെ പാലിൽ മുക്കിയാലും മതി) പൊടി കുറേശ്ശെയെടുത്ത് നന്നായി ഉരുട്ടി എടുക്കുക. ഇത്രേയുള്ളൂ സംഭവം! ഉരുട്ടിവയ്ക്കുന്ന സമയത്ത് അല്പം ഉറപ്പുകുറവ് തോന്നുമെങ്കിലും ഇരിക്കും‌തോറും കട്ടിയായിക്കൊള്ളും.

അപ്പോ ശരി, എല്ലാവർക്കും നല്ലൊരു പുതുവർഷം ആശംസിക്കുന്നു.

ഈ ബ്ലോഗിനേക്കുറിച്ച്...

ഒരു പാചകവിദഗ്ദ്ധയാണെന്ന അവകാശവാദമൊന്നും ഇല്ല കേട്ടോ.. എനിയ്ക്കറിയാവുന്ന ചിലത് നിങ്ങളുമായി പങ്കുവയ്ക്കുന്നു എന്നുമാത്രം.
പണ്ടത്തെ തനതു വിഭവങ്ങളെ അതേപടി, അതേ പേരുകളോടെ‍ തന്നെയാണ് ഇവിടെ പരിചയപ്പെടുത്തുന്നത്. പേരുകള്‍ക്കോ, ഉണ്ടാക്കുന്ന രീതികള്‍ക്കോ പ്രാദേശികമായ വ്യത്യാസങ്ങളുണ്ടാകുമല്ലോ. അതേക്കുറിച്ചുള്ള അന്വേഷണം കൂടിയാണ് ഓരോ കുറിപ്പും. നിങ്ങൾക്കറിയാവുന്നത് പറയുമല്ലോ..?
ഇതിൽ പറയുന്ന കുറിപ്പുകളിൽ ഏതെങ്കിലും നിങ്ങൾക്ക് ഇഷ്ടപ്പെട്ടുവെങ്കിൽ, ഉപകാരപ്രദമായെങ്കിൽ, അതിന് ഞാൻ കടപ്പെട്ടിരിക്കുന്നത് അടുക്കളയെന്ന ലോകം നന്നായറിഞ്ഞു വളർന്ന സാഹചര്യങ്ങളോടും എന്റെ അമ്മയോടുമാണ്.

22 പേർ അഭിപ്രായമറിയിച്ചു:

ബിന്ദു കെ പി said...: വളരെ എളുപ്പമാണ് ഇതുണ്ടാക്കാൻ.; December 30, 2008 at 1:26 PM
Anil cheleri kumaran said...: thanks
untaaki nokkaam
surely.; December 30, 2008 at 1:43 PM
siva // ശിവ said...: ഇതൊക്കെ കാണുമ്പോള്‍ കൊതിയാകുന്നു.... വൈകാതെ ഇതൊക്കെ ഉണ്ടാക്കിത്തരാന്‍ എനിക്ക് ഒരാള്‍ ഉണ്ടാകും എന്ന സന്തോഷത്തിലാ ഞാന്‍.... അന്ന് ഞങ്ങള്‍ റെഫര്‍ ചെയ്യുന്ന ബ്ലോഗുകളില്‍ ഒന്നാകും ഇത്....; December 30, 2008 at 1:53 PM
വിദുരര്‍ said...: ശിവ ശിവ, എന്താ ഈ കേള്‍ക്കുന്നേ..... :)
(ഭാവുകങ്ങള്‍ നേരുന്നു)

റവ ലഡു ഒരു റവല്യൂഷന്‍ ആണോ ?
കഴിക്കാതെ എങ്ങന്യാ അഭിപ്രായം പറയാ ?; December 30, 2008 at 3:00 PM
ഹരിശ്രീ said...: റവ ലഡ്ഡു കഴിച്ചിട്ടുണ്ട്. ഉണ്ടാക്കാന്‍ ഇത്ര എളുപ്പമാണെന്ന് അറിഞ്ഞില്ല..

പുതുവത്സരാശംസകള്‍; December 30, 2008 at 3:10 PM
ശ്രീ said...: കൊള്ളാമല്ലോ...

പുതുവത്സരാശംസകള്‍!; December 30, 2008 at 3:12 PM
ജിജ സുബ്രഹ്മണ്യൻ said...: നന്ദി ബിന്ദൂ ! രവ ലഡൂ ഉണ്ടാക്കാനും തിന്നാനും രസമാണു; December 30, 2008 at 3:57 PM
smitha adharsh said...: റവ ലഡ്ഡു,ഞങ്ങള്‍ ചെറിയ കുട്ടികള്‍ ആയിരിക്കുമ്പോള്‍ ചെറിയമ്മ ഉണ്ടാക്കി തന്ന ഓര്‍മ്മയുണ്ട്..പക്ഷെ,അന്നൊന്നും അതെങ്ങനെ ഉണ്ടാക്കുന്നു എന്ന് ശ്രദ്ധിച്ചിട്ടെ ഇല്ല കേട്ടോ..നന്ദി,ഈ പാചകകുറിപ്പിന് .
പുതുവല്‍സരാശംസകള്‍..
അഭിനന്ദനത്തിനു നന്ദി കേട്ടോ..; December 30, 2008 at 8:44 PM
ചാണക്യന്‍ said...: റവ ലഡ്ഡു നന്നായി..

നവവത്സരാശംസകള്‍..; December 30, 2008 at 10:40 PM
അനില്‍@ബ്ലോഗ് // anil said...: ഡാങ്ക്സ്.

ഓഫ്ഫ്:
മധുരം അധികം കഴിക്കുന്നത് നല്ലതല്ല.; December 31, 2008 at 12:24 AM
അനില്‍@ബ്ലോഗ് // anil said...: ഒരോഫ്ഫൂ‍ടെ,
ശിവാ..
ശിവ, ശിവ. മനഃസ്സമാധാനമായി
ഉടനെ ഉണ്ടോ?; December 31, 2008 at 12:25 AM
ബഷീർ said...: മനുഷ്യനെ കൊതിപ്പിക്കാന്‍ ഓരോ പരിപാടികള്‍ :(

മുസ്വഫയിലേക്ക്‌ രണ്ടെണ്ണം കൊടുത്തയക്കൂ. അഭിപ്രായം എന്നിട്ട്‌ പറയാം..

OT
ശിവാ :); December 31, 2008 at 5:15 PM
പിരിക്കുട്ടി said...: kollallo undakki nokkatto chechikutty; January 2, 2009 at 1:43 PM
പ്രയാസി said...: വരാന്‍ വൈകി എന്നാലും പുതുവത്സരാശംസകള്‍!

ഓഫ്:ഇനി മുതല്‍ പോസ്റ്റിനു തേങ്ങാക്കു പകരം റവ ലഡു മതി..;); January 6, 2009 at 2:00 PM
Bindhu Unny said...: കുറേനാളുകൂടിയാണ് അടുക്കളത്തളത്തില്‍ വരുന്നത്. എല്ലാം വായിച്ച് കൊതിപിടിച്ച് പോവുന്നു :-); January 7, 2009 at 1:30 PM
വിജയലക്ഷ്മി said...: rava ledu nannaayirikkunnu mole..njaanundaakkunn reethi vethhysthhamaanu..pinne parayaam..puthuvalsaraashamsakal!!; January 17, 2009 at 3:16 PM
ജെ പി വെട്ടിയാട്ടില്‍ said...: punjab 4 fighting
bangal 4 writing
kashmir 4 beauty
rajasthan 4 history
maharashtra 4 victory
karnataka 4 silk
haryana 4 milk
kerala 4 brains
UP for grains
india 4 integrity
so, proud to be an indian.
60th republic day wishes; January 26, 2009 at 10:29 AM
പാറുക്കുട്ടി said...: റവ ലഡ്ഡു ഇഷ്ടപ്പെട്ടു കേട്ടോ.

കുട്ടികള്‍ക്ക് ഇഷ്ടമായതു കൊണ്ട് ഇത് ഞാനും ഉണ്ടാക്കാറുണ്ട്.; January 31, 2009 at 12:39 PM
ras said...: indakki nokki ketto.. nannayi,,
pinney.. ithu fridge vakkano..??; February 17, 2009 at 6:46 PM
Patchikutty said...: kollam... nallath... eviduthe jeevithathil othiri minakkedan madi/samayam ellatha veettamma markk kuttikalkk undakki kodukkan pattiya nalla sweet.keep the good work.; February 20, 2009 at 12:13 PM
Unknown said...: ente makkalku ishtappetta vibhavamanu ithu.athikam samayam venda ennathu kondu eppozhum undakkum.pinne njangal malabarukar ithinu THARIYUNDA ennanu parayuka.; April 6, 2010 at 2:35 AM
Ratheesh KP said...: പഞ്ചസാര ഒരു ഗ്ലാസ്സ് മതി.... താങ്ക്സ്...; February 19, 2012 at 3:47 PM

ഞാന്‍.....

അടുക്കളച്ചൊല്ലുകള്‍.....

വിഭാഗങ്ങള്‍:

ഊണിനു സമയമായോ......?

മലയാളം ബ്ലോഗുകള്‍ ലിസ്റ്റ് ചെയ്യപ്പെടുന്ന ഇടങ്ങള്‍:

റവ ലഡ്ഡു

22 പേർ അഭിപ്രായമറിയിച്ചു:

ഈ ബ്ലോഗിനേക്കുറിച്ച്...

എന്റെ മറ്റു ബ്ലോഗുകള്‍:

ഇപ്പോള്‍ വിരുന്നിനെത്തിവര്‍:

ഇതുവരെ സ്വാദു നോക്കിയവർ

Followers

പ്രധാന ബ്ലോഗിംഗ് സഹായികള്‍: