അടുക്കളത്തളം: റവദോശ

അടുക്കളച്ചൊല്ലുകള്‍.....

“അന്ന വിചാരം മുന്നവിചാരം, പിന്നെ വിചാരം കാര്യവിചാരം”
“ഉപ്പോളം വരുമോ ഉപ്പിലിട്ടത്”
“അരി വിതച്ചാൽ നെല്ലു വിളയാ”
“മുളയിലറിയാം വിള”
“ആര്യൻ വിതച്ചാൽ നവര വിളയുമോ?”
“നവര നട്ടാൽ തുവരയുണ്ടാകുമോ?”
“ഒരു വിത്ത് വിതച്ചാൽ പല വിത്ത് വിളയാ”
“കണ്ണൻ വാഴച്ചുവട്ടിൽ കദളിവാഴയുണ്ടാകുമോ?”
“അമരയും അപരാധവും കുറച്ചുമതി”
“ഉണ്ണാനില്ലാഞ്ഞാൽ വിത്ത്; ഉടുക്കാനില്ലാഞ്ഞാൽ പട്ട്”
“വിത്തുഗുണം പത്തുഗുണം”
“ചൊല്ല് പഴയതായാലും വിത്ത് പഴയതാവരുത്”
“വിശപ്പിനു രുചിയില്ല”
“തവിയറിയുമോ കറിയുടെ രസം?”
“കാന്താരിമുളകെന്തിനാ അധികം?”
“കർക്കിടകച്ചേന കട്ടിട്ടെങ്കിലും തിന്നണം”
“മെല്ലെത്തിന്നാൽ മുള്ളും തിന്നാം”
“പയ്യെത്തിന്നാൽ പനയും തിന്നാം”
“വിത്തെടുത്തുണ്ണരുത്”
“ഉണ്ടെങ്കിലോണം പോലെ ഇല്ലെങ്കിലേകാദശി”
“വെളുക്കുന്നതിനു മുൻപേ അരിവെയ്ക്കണം; അരിവെയ്ക്കുന്നതിനു മുൻപേ കറിവെയ്ക്കരുത്”
“വേണമെങ്കിൽ ചക്ക വേരിലും കായ്ക്കും!”
“എണ്ണിയ പയറ് അളക്കേണ്ട”
“മരത്തിന് കായ കനമല്ല”
“ഉരിനെല്ലൂരാൻ പോയിട്ട് പത്തുപറ നെല്ല് പന്നി തിന്നു”
“മക്കളെ കണ്ടും മാമ്പൂ കണ്ടും കൊതിക്കരുത്”
“ഉച്ചാറലുച്ചയ്ക്ക് വെള്ളാരി നട്ടാൽ വിഷു ഉച്ചയ്ക്ക് പറിക്കാം”
“കർക്കിടകത്തിൽ പത്തില കറിവെച്ചു കൂട്ടണം”
“കാണം വിറ്റും ഓണം ഉണ്ണണം”
“പത്തായം പട്ടിണി കിടക്കരുത്”
“നിലം നികത്തി വീടു വയ്ക്കരുത്”
“തൊഴുതുണ്ണുന്ന ചോറിനേക്കാ‍ൾ ഉഴുതുണ്ണുന്ന ചോറ്”
“വാഴ നനഞ്ഞാൽ ചീരയും നനയും”
“കയ്യാടിയാലേ വയറാടൂ”
“അവിയലിൽ ചേരാത്ത കഷ്ണമില്ല!”
“അണ്ടിയോടടുക്കുമ്പോഴറിയാം, മാങ്ങയുടെ പുളി!”
“അത്താഴമുണ്ടാൽ അരക്കാതം നടക്കണം, മുത്താഴമുണ്ടാൽ മുള്ളിലും കിടക്കണം”
“അധികം വിളഞ്ഞാൽ വിത്തിനും കൊള്ളാ”
“അധികമായാൽ അമൃതും വിഷം”
“അപ്പം തിന്നാൽ മതി; കുഴിയെണ്ണേണ്ട”
“അമ്മിയോടു ചോദിച്ചിട്ടാണോ അരയ്ക്കുന്നത്?”
“അരനാഴിയേ ഉള്ളെങ്കിലും അടുപ്പുകല്ലു മൂന്നു വേണം”
“അരിയെത്ര? പയറഞ്ഞാഴി”
“അഴകുള്ള ചക്കയിൽ ചുളയില്ല!”
“ആറ്റിൽ കളഞ്ഞാലും അളന്നു കളയണം”
“ഉണ്ട ചോറിൽ കല്ലിടരുത്”
“ഉണ്ടവന് പാ കിട്ടാഞ്ഞ്, ഉണ്ണാത്തവന് ഇല കിട്ടാഞ്ഞ്”
“ഉപ്പു തിന്നവൻ വെള്ളം കുടിക്കും”
“ഉള്ള കഞ്ഞിയിൽ പാറ്റ ഇടുക”
“എണ്ണിച്ചുട്ട അപ്പം പോലെ”
“എല്ലു മുറിയെ പണിതാൽ പല്ലു മുറിയേ തിന്നാം”
“കല്ലാടും മുറ്റത്ത് നെല്ലാടുകില്ല”
“കറിക്ക് ചേരാത്ത കഷ്ണം നുറുക്കരുത്”
“ചക്കയ്ക്ക് ചുക്ക്; മാങ്ങയ്ക്ക് തേങ്ങ”
“ഞാറുറച്ചാൽ ചോറുറച്ചു”
“തിന്ന ചോറിന് നന്ദി വേണം”
“മത്ത കുത്തിയാൽ കുമ്പളം മുളയ്ക്കുമോ?”
“പത്തായം പെറും, ചക്കി കുത്തും, അമ്മ വയ്ക്കും, ഞാനുണ്ണും”
“പന്തിയ്ക്കു മുമ്പും പടയ്ക്കു പിമ്പും ”
“പറ നിറയെ പതിരാണെങ്കിലും പാറ്റി നോക്കിയാൽ മണി കാണാം”
“ആലോലനീലമിഴിയാം പ്രിയയാൾ വിളമ്പും ഓലോലനൊന്നു മതി; എന്തിന്നു നൂറു കൂട്ടം?”

റവകൊണ്ട് പുതുമയുള്ള ഒരു ദോശയുണ്ടാക്കിയാലോ..?

ആവശ്യമുള്ള സാധനങ്ങൾ:

റവ - കാൽക്കിലോ
സവാള - ഒന്ന്
തേങ്ങ ചിരകിയത് - ഒരു പിടി
ഇഞ്ചി - ചെറിയ ഒരു കഷ്ണം
അധികം പുളിയില്ലാത്ത തൈര്/മോര് - കാൽ ഗ്ലാസ്സ്
ജീരകം - ഒരു സ്പൂൺ
പച്ചമുളക്, കറിവേപ്പില, ഉപ്പ്, വെള്ളം - ആവശ്യത്തിന്

ഉണ്ടാക്കുന്ന വിധം:

മിക്സിയിൽ റവ,സവാള കഷ്ണങ്ങളാക്കിയത്,തേങ്ങ,ഇഞ്ചി എന്നിവ ഒന്നിച്ചിട്ട് തൈരും വെള്ളവുമൊഴിച്ച് നന്നായി അരയ്ക്കുക. വെള്ളം അധികമാവാതെ ശ്രദ്ധിക്കണം. അരച്ച മാവിൽ പച്ചമുളകും കറിവേപ്പിലയും പൊടിയായി അരിഞ്ഞത് ചേർത്ത്, ആവശ്യത്തിന് ഉപ്പും ഒരു സ്പൂൺ ജീരകവും ഇട്ട് നന്നായി ഇളക്കുക.

മാവ് ഇപ്പോൾ ഏതാണ്ട് ഈ പരുവത്തിൽ ഇരിക്കും:

ഇനി ദോശയുണ്ടാക്കിനോക്കൂ..
മാവ് ഒഴിക്കുന്ന സമയത്ത് ദോശക്കല്ലിന്റെ ചൂട് നന്നായി കുറഞ്ഞിരിക്കണം. അല്ലെങ്കിൽ ശരിക്ക് പരത്താൻ പറ്റാതെ മാവ് ഉരുണ്ടുകൂടും.(കല്ല് തീയിൽനിന്ന് മാറ്റിപ്പിടിച്ച് മാവൊഴിച്ച് പരത്തിയശേഷം തിരിച്ചു വയ്ക്കുകയാണ് ഞാൻ ചെയ്യുന്നത്. അപ്പോൾ നന്നായി കനം കുറച്ച് പരത്താൻ സാധിക്കും. മാവ് ഫ്രിഡ്ജിൽ വച്ച് നന്നായി തണുപ്പിക്കുന്നതും ഗുണം ചെയ്യും.

റവദോശ റെഡി! ചൂടോടെ ചട്ണിയോ ചമ്മന്തിയോ കൂട്ടി കഴിക്കുക.

ഈ ബ്ലോഗിനേക്കുറിച്ച്...

ഒരു പാചകവിദഗ്ദ്ധയാണെന്ന അവകാശവാദമൊന്നും ഇല്ല കേട്ടോ.. എനിയ്ക്കറിയാവുന്ന ചിലത് നിങ്ങളുമായി പങ്കുവയ്ക്കുന്നു എന്നുമാത്രം.
പണ്ടത്തെ തനതു വിഭവങ്ങളെ അതേപടി, അതേ പേരുകളോടെ‍ തന്നെയാണ് ഇവിടെ പരിചയപ്പെടുത്തുന്നത്. പേരുകള്‍ക്കോ, ഉണ്ടാക്കുന്ന രീതികള്‍ക്കോ പ്രാദേശികമായ വ്യത്യാസങ്ങളുണ്ടാകുമല്ലോ. അതേക്കുറിച്ചുള്ള അന്വേഷണം കൂടിയാണ് ഓരോ കുറിപ്പും. നിങ്ങൾക്കറിയാവുന്നത് പറയുമല്ലോ..?
ഇതിൽ പറയുന്ന കുറിപ്പുകളിൽ ഏതെങ്കിലും നിങ്ങൾക്ക് ഇഷ്ടപ്പെട്ടുവെങ്കിൽ, ഉപകാരപ്രദമായെങ്കിൽ, അതിന് ഞാൻ കടപ്പെട്ടിരിക്കുന്നത് അടുക്കളയെന്ന ലോകം നന്നായറിഞ്ഞു വളർന്ന സാഹചര്യങ്ങളോടും എന്റെ അമ്മയോടുമാണ്.

16 പേർ അഭിപ്രായമറിയിച്ചു:

ബിന്ദു കെ പി said...: റവകൊണ്ട് പുതുമയുള്ള ഒരു ദോശയുണ്ടാക്കിയാലോ..?; November 25, 2008 at 11:09 AM
Rejeesh Sanathanan said...: ഇനിയിതൊന്നു കഴിച്ചിട്ടെ ഉള്ളു ബാക്കി കാര്യം...; November 25, 2008 at 1:42 PM
കൃഷ്‌ണ.തൃഷ്‌ണ said...: ഞാന്‍ ചേച്ചിയുടെ ഒരു ഫാനാണേ..
ഒറ്റത്തടിയായതുകൊണ്ട് ചിലതൊക്കെ പരീക്ഷിച്ചു നോക്കി.കൈപ്പുണ്യം തീരെ ഇല്ല.
ഇതു ഞാന്‍ സ്വയം പറഞ്ഞതാണു, കേട്ടോ.
ഉണ്ടാക്കിയാല്‍ മാത്രം പോരല്ലോ, അതു കഴിച്ചിട്ടു നന്നായി, നന്നായില്ല എന്നൊക്കെ പറയാനും ആളുവേണ്ടേ? അതൊന്നുമില്ലാത്തവരിലൊരാള്‍.
ഏതായാലും ബോര്‍ഡിംഗിലെ കാന്റീനിനേക്കാള്‍ സ്വാദുണ്ട്,ഇതെല്ലാം ഇങ്ങനെ ലളിതമായി പറഞ്ഞു തരുന്നതിനു ഈ അനുജന്റെ വക ഒരു വലിയ നന്ദിയുണ്ടേ.; November 25, 2008 at 2:38 PM
ഞാന്‍ ആചാര്യന്‍ said...: :) ....വോട്ടു ചെയ്തോ? ഇല്ലെങ്കില്‍ വരൂ....; November 25, 2008 at 5:59 PM
Kaithamullu said...: ബിന്ദൂ,
പ്രിന്റ് എടുത്ത് വാമഭാഗത്തിന് ഗിഫ്റ്റ് ചെയ്യാന്‍ പോകുന്നൂ.
(ഉണ്ടാക്കിത്തരുമോ എന്തോ)

താങ്ക്സ് ട്ടാ!; November 25, 2008 at 6:18 PM
ശ്രീ said...: ഇതു കൊള്ളാമല്ലോ.
നന്ദി ചേച്ചീ.
:); November 25, 2008 at 6:34 PM
അനില്‍@ബ്ലോഗ് // anil said...: കൊള്ളാം , ഇന്നു തന്നെ പരീക്ഷിപ്പിച്ചിട്ട് വിവരം പറയാം.

മിക്സി ഇല്ലെങ്കില്‍ എഞു ചെയ്യും? :); November 25, 2008 at 7:40 PM
ജെ പി വെട്ടിയാട്ടില്‍ said...: ദോശയുണ്ടാക്കുന്ന റസീപ്പിയുടെ ഒരു കോപ്പി എടുത്ത് എന്റെ ശ്രീമതിക്ക് കൊടുത്തിട്ടുണ്ട്..
ഇന്ന് വൈകുന്നേരം ഉണ്ടാക്കി തരാന്‍ പറഞ്ഞിട്ടുണ്ട്.
കഴിച്ചതിനു ശേഷം പറയാം എങ്ങിനെ ഉണ്ടെന്ന്.; November 26, 2008 at 10:22 AM
കുഞ്ഞന്‍ said...: ആഹാ..ഇതുകൊള്ളാമല്ലൊ..ഇതെങ്ങിനെ പഠിച്ചു..?

നന്ദി..; November 26, 2008 at 12:37 PM
മുസാഫിര്‍ said...: അധികം സമയം കൊല്ലാതെ ഇങ്ങിനെയുള്ള ചെറിയ പരീക്ഷണങ്ങള്‍ എന്റെ ശ്രീ‍മതിക്കൂം ഇഷ്ടമാണ്.പക്ഷെ ആദ്യം എനിക്കു തന്ന് കുറച്ച് കഴിഞ്ഞേ കുട്ടികള്‍ക്കു കൊടുക്കുകയുള്ളു എന്നു മാത്രം.; November 26, 2008 at 5:46 PM
Unknown said...: കൊള്ളാട്ടൊ.പക്ഷെ ഞാൻ കഴിക്കില്ല.എനിക്ക് ഇഷ്ട്മല്ല
റവ; November 28, 2008 at 6:09 PM
മൂര്‍ത്തി said...: നന്ദി..; November 28, 2008 at 7:48 PM
smitha adharsh said...: ബിന്ദു ചേച്ചീ..പോസ്റ്റ് മുന്നേ കണ്ടിരുന്നു.കമന്റാന്‍ വിട്ടു പോയതാ..
ഈ ദോശ,ഞാന്‍ കഴിച്ചിട്ടുണ്ട്.ഞാന്‍ ഉണ്ടാക്കിയിട്ടല്ല കേട്ടോ..ഒരിക്കല്‍ തൃശൂര്‍ "India Gate Restaurant" ല് "100 Dosa fest" ഉണ്ടായിരുന്നു...അതില്‍ നിന്നാണെ..നന്നായിരുന്നു. അത് അന്ന് ഇഷ്ടപ്പെട്ടു.എന്തായാലും ഉണ്ടാക്കി നോക്കുന്നുണ്ട്.; December 4, 2008 at 12:32 PM
യാമിനിമേനോന്‍ said...: സംഗതികൊള്ളാം. നന്നായി. പിന്നെ വയറുനിറയെ കഴിച്ച് ഈ റെസീപ്പി പറഞ്ഞുതന്നെ ആനിറ്റ്യോട് താങ്ക്സ് പറയുവാന്‍ പിങ്കി(4 വയസ്സുള്ള കുസൃതി)മോള്‍ പറഞ്ഞു.

ഇനിയ്ം പുതിയ വിഭവങ്ങള്‍ ഇവിടെ പ്രതീസ്ഖിക്കുന്നു.; December 5, 2008 at 6:38 PM
നിലാവ് said...: ബിന്ദു ചേച്ചി...റവ ദോശ ഞാന്‍ ഉണ്ടാക്കീ, ചേച്ചി പറഞ്ഞ പോലെ..

വീട്ടില്‍ എല്ലാവര്ക്കും ഒത്തിരി ഇഷ്ടമായി..

thank you ..!; December 7, 2008 at 5:52 PM
കാഴ്ചകളിലൂടെ said...: bindu, yesterday i tried "cheera moruzhicha kootan and rava dosa." good

sajeev; October 21, 2013 at 10:17 AM

ഞാന്‍.....

അടുക്കളച്ചൊല്ലുകള്‍.....

വിഭാഗങ്ങള്‍:

ഊണിനു സമയമായോ......?

മലയാളം ബ്ലോഗുകള്‍ ലിസ്റ്റ് ചെയ്യപ്പെടുന്ന ഇടങ്ങള്‍:

റവദോശ

16 പേർ അഭിപ്രായമറിയിച്ചു:

ഈ ബ്ലോഗിനേക്കുറിച്ച്...

എന്റെ മറ്റു ബ്ലോഗുകള്‍:

ഇപ്പോള്‍ വിരുന്നിനെത്തിവര്‍:

ഇതുവരെ സ്വാദു നോക്കിയവർ

Followers

പ്രധാന ബ്ലോഗിംഗ് സഹായികള്‍: