Monday, November 12, 2012

സന്ദേശ് (Sandesh)

ദീപാവലിയല്ലേ, എന്തെങ്കിലുമൊരു മധുരം വിളമ്പാം ഇവിടെ എന്നു വച്ചു.  പണ്ടത്തെ അടുക്കളത്തളത്തിൽ ദീപാവലിക്ക് പ്രത്യേകതകളൊന്നുമില്ലായിരുന്നു. “അരിയും ഉഴുന്നും വെള്ളത്തിലിടാം, ദീപാവലിയായിട്ട് നാളെ  ഇഡ്ഡലിയുണ്ടാക്കാം” എന്നൊരു പറച്ചിൽ കേൾക്കാം അടുക്കളയിൽ നിന്ന്. അത്രതന്നെ. ഇഡ്ഡലിയായിരുന്നു ദീപാവലി സ്പെഷ്യൽ വിഭവം! പിന്നീട് കേരളത്തിന് പുറത്തു പോയപ്പോഴാണ് ദീപാവലി എന്ന ആഘോഷത്തെപ്പറ്റിയും,  അതിൽ മധുരത്തിനുള്ള സ്ഥാനത്തെപ്പറ്റിയുമൊക്കെ കൂടുതലറിയുന്നത്. പാലും പാലുല്പന്നങ്ങളും ഉപയോഗിച്ചുണ്ടാക്കുന്ന രസികൻ വിഭവങ്ങളെക്കുറിച്ചും, അവയുണ്ടാക്കുന്ന വിവിധ  രീതികളുമൊക്കെ അങ്ങിനെയാണ് പഠിച്ചത്.
സന്ദേശ് ഒരു ബംഗാളി വിഭവമാണ്. വീട്ടിൽ ഫ്രഷായി ഉണ്ടാക്കിയ ഛന്ന/പനീർ കൊണ്ടാണ് സന്ദേശ് ഉണ്ടാക്കേണ്ടത്. കടയിൽ നിന്ന് വാങ്ങുന്ന പനീർ കൊണ്ട് ഉണ്ടാക്കിയാൽ നന്നാവില്ല. പാൽ പിരിയ്ക്കുമ്പോൾ കിട്ടുന്ന ഖരപദാർത്ഥമാണ് ഛന്ന അല്ലെങ്കിൽ പനീർ.  പനീറും പഞ്ചസാരയുമാണ് സന്ദേശ് എന്ന രുചികരമായ വിഭവത്തിന്റെ പ്രധാന ചേരുവകൾ. നമുക്കൊന്നു നോക്കാം:

ആവശ്യമുള്ള സാധനങ്ങൾ:
  • പാൽ - ഒരു ലിറ്റർ (നല്ല കൊഴുപ്പുള്ള പാലാണെങ്കിൽ കൂടുതൽ അളവ് ഛന്ന കിട്ടും)
  • ചെറുനാരങ്ങ - 1
  • പഞ്ചസാര - ഏകദേശം ഛന്നയുടെ അതേ അളവാണ്  വേണ്ടത്. ഒരു ലിറ്റർ പാലിന് ഏകദേശം 100 ഗ്രാം ഛന്ന കിട്ടി. അപ്പോൾ പഞ്ചസാരയും 100 ഗ്രാം.
  • ഏലയ്ക്കാപ്പൊടി - കാൽ ടീസ്പൂൺ
  • കുങ്കുമപ്പൂവ് (saffron) - ഒരു നുള്ള്
  • സ്വല്പം പാൽ
  • അലങ്കരിക്കാൻ പിസ്ത/ബദാം/ഡ്രൈ ഫ്രൂട്ട്സ് 
ഉണ്ടാക്കുന്ന വിധം:
ആദ്യമായി ഛന്ന ഉണ്ടാക്കാം.
ഇനിനായി, പാൽ അടുപ്പത്തുവച്ച് തിളയ്ക്കുമ്പോൾ, തീ കുറച്ചശേഷം അതിലേക്ക് ചെറുനാരങ്ങാനീര് പിഴിഞ്ഞൊഴിക്കുക. തുടർച്ചയായി ഇളക്കുക. അപ്പോൾ പാൽ പിരിഞ്ഞുവരും. മുഴുവൻ പാലും പിരിയുന്നതുവരെ ഇളക്കുക. എന്നിട്ട് വാങ്ങിവയ്ക്കുക.

പിരിഞ്ഞ പാൽ അരിയ്ക്കുക. അപ്പോൾ കിട്ടുന്ന പദാർത്ഥമാണ് ഛന്ന അല്ലെങ്കിൽ പനീർ.
ഛന്ന ഒരു തുണിയിലിട്ട് നന്നായി പിഴിഞ്ഞ് വെള്ളമയം മുഴുവൻ കളയുക.
കുങ്കുപ്പപ്പൂവ് സ്വല്പം പാലിൽ കുതിർത്ത് നന്നായി ചാലിച്ചെടുക്കുക. (ഉത്തരേന്ത്യൻ മധുര വിഭവങ്ങളിലെല്ലാം കുങ്കുമപ്പൂവ് ഒരു പ്രധാനപ്പെട്ട ചേരുവയാണ്. “ടിപ്പിക്കൽ നോർത്തിന്ത്യൻ രുചി” എന്നു നമ്മൾ സാധാരണ പറയാറുണ്ടല്ലോ. ആ പ്രത്യേക രുചി നൽകുന്നതിൽ കുങ്കുമപ്പൂവിനുള്ള പങ്ക് വളരെ പ്രധാനമാണ്).
ഇനി, ഛന്നയും, പഞ്ചസാരയും, ഏലയ്ക്കാപ്പൊടിയും, കുങ്കുമപ്പൂസത്ത് ചേർന്ന പാലും കൂടി മിക്സിയിലിട്ട് നന്നായി അരച്ചെടുക്കുക.
ഈ മിശ്രിതം നല്ല കട്ടിയുള്ള ഒരു നോൺ സ്റ്റിക്ക് പാനിലിലേക്ക് പകർത്തി ചെറുതീയിൽ അടുപ്പത്തു വയ്ക്കുക.
ചൂടാവുമ്പോൾ മിശ്രിതം ഉരുകാൻ തുടങ്ങും.
തുടർച്ചയായി ഇളക്കണം. കുറച്ചു കഴിയുമ്പോൾ മിശ്രിതം കട്ടിയാവാനും, വശങ്ങളിൽ നിന്ന് വിട്ടുപോരാനും തുടങ്ങും. (തീ ഒരു കാരണവശാലും കൂട്ടി വയ്ക്കരുത്)
ഒരുവിധം ഉറച്ചാൽ വാങ്ങാം.
വാങ്ങിവച്ച മിശ്രിതം ചെറുചൂടോടെ തന്നെ നല്ല മയത്തിൽ കുഴയ്ക്കുക.
കുഴച്ച മാവ് ചെറിയ ഉരുകളാക്കി, ഇഷ്ടമുള്ള ആകൃതിയിലാക്കുക. പിസ്തയോ ബദാമോ, ഡ്രൈഫ്രൂട്ട്സോ കൊണ്ട് അലങ്കരിക്കാം. അതൊക്കെ അവരവരുടെ മനോധർമ്മം പോലെ ചെയ്യുക. കുങ്കുമപ്പൂസത്ത് ചേർത്ത പാൽ പുരട്ടിയ ബദാം കഷ്ണങ്ങൾ കൊണ്ടാണ് ഞാൻ ഇവിടെ അലങ്കരിച്ചിരിക്കുന്നത്. (അരയ്ക്കുന്ന സമയത്ത് അല്പം മഞ്ഞ/പച്ച കളർ ചേർത്ത് കൂടുതൽ ആകർഷകമാക്കാവുന്നതുമാണ്).
പരീക്ഷിച്ചുനോക്കൂ....ഇഷ്ടാവും.
എല്ലാർക്കും ദീപാവലി ആശംസകൾ....

9 പേർ അഭിപ്രായമറിയിച്ചു:

കാഴ്ചകളിലൂടെ said...

thank you bindoo for the post. as tomorrow is deepavali, i thought defenitly you will post something.

thanking you

Cv Thankappan said...

നന്ദിയുണ്ട്
ആശംസകള്‍

Mélange said...

Valiya joliyayirunnallo Bindu ? nannayitundu.enikku sweets nu vendi joli cheyyan bhayankara madiya.Ethayalum Diwali vannu.Happy Diwali Bindu,to you and family.

ആവനാഴി said...

This, I must say, is a fantastic cookery blog. The items presented are sure to tickle the taste buds.The recipes are down-to-earth and really good.

devangana said...

Thankyou for a wonderfule recipe. The pictorial description tempts to try this recipe..

റോസാപ്പൂക്കള്‍ said...

നന്ദി.
വൈകിയെങ്കിലും ദീപാവലി ആശംസകള്‍

TENCY said...

kollam nala rasam undu keep it up

NMR said...

Proud of your blogs :-*

kadiranahigian said...

Graton Casino & Hotel - MapyRO
Graton Casino & 전라북도 출장샵 Hotel is situated near the airport and 충주 출장샵 is 김해 출장안마 about 30 순천 출장마사지 minutes' walk from the hotel. It 청주 출장샵 features the Graton Casino & Hotel, an iconic restaurant in the city.

Related Posts Plugin for WordPress, Blogger...
MyFreeCopyright.com Registered & Protected

Copyright © Bindu Krishnaprasad. All rights reserved.

പകർപ്പവകാശം ബ്ലോഗുടമയായ ബിന്ദു കൃഷ്ണപ്രസാദിനു മാത്രം.



Back to TOP