അടുക്കളത്തളം: കരിക്ക് പുഡ്ഡിങ്ങ്

അടുക്കളച്ചൊല്ലുകള്‍.....

“അന്ന വിചാരം മുന്നവിചാരം, പിന്നെ വിചാരം കാര്യവിചാരം”
“ഉപ്പോളം വരുമോ ഉപ്പിലിട്ടത്”
“അരി വിതച്ചാൽ നെല്ലു വിളയാ”
“മുളയിലറിയാം വിള”
“ആര്യൻ വിതച്ചാൽ നവര വിളയുമോ?”
“നവര നട്ടാൽ തുവരയുണ്ടാകുമോ?”
“ഒരു വിത്ത് വിതച്ചാൽ പല വിത്ത് വിളയാ”
“കണ്ണൻ വാഴച്ചുവട്ടിൽ കദളിവാഴയുണ്ടാകുമോ?”
“അമരയും അപരാധവും കുറച്ചുമതി”
“ഉണ്ണാനില്ലാഞ്ഞാൽ വിത്ത്; ഉടുക്കാനില്ലാഞ്ഞാൽ പട്ട്”
“വിത്തുഗുണം പത്തുഗുണം”
“ചൊല്ല് പഴയതായാലും വിത്ത് പഴയതാവരുത്”
“വിശപ്പിനു രുചിയില്ല”
“തവിയറിയുമോ കറിയുടെ രസം?”
“കാന്താരിമുളകെന്തിനാ അധികം?”
“കർക്കിടകച്ചേന കട്ടിട്ടെങ്കിലും തിന്നണം”
“മെല്ലെത്തിന്നാൽ മുള്ളും തിന്നാം”
“പയ്യെത്തിന്നാൽ പനയും തിന്നാം”
“വിത്തെടുത്തുണ്ണരുത്”
“ഉണ്ടെങ്കിലോണം പോലെ ഇല്ലെങ്കിലേകാദശി”
“വെളുക്കുന്നതിനു മുൻപേ അരിവെയ്ക്കണം; അരിവെയ്ക്കുന്നതിനു മുൻപേ കറിവെയ്ക്കരുത്”
“വേണമെങ്കിൽ ചക്ക വേരിലും കായ്ക്കും!”
“എണ്ണിയ പയറ് അളക്കേണ്ട”
“മരത്തിന് കായ കനമല്ല”
“ഉരിനെല്ലൂരാൻ പോയിട്ട് പത്തുപറ നെല്ല് പന്നി തിന്നു”
“മക്കളെ കണ്ടും മാമ്പൂ കണ്ടും കൊതിക്കരുത്”
“ഉച്ചാറലുച്ചയ്ക്ക് വെള്ളാരി നട്ടാൽ വിഷു ഉച്ചയ്ക്ക് പറിക്കാം”
“കർക്കിടകത്തിൽ പത്തില കറിവെച്ചു കൂട്ടണം”
“കാണം വിറ്റും ഓണം ഉണ്ണണം”
“പത്തായം പട്ടിണി കിടക്കരുത്”
“നിലം നികത്തി വീടു വയ്ക്കരുത്”
“തൊഴുതുണ്ണുന്ന ചോറിനേക്കാ‍ൾ ഉഴുതുണ്ണുന്ന ചോറ്”
“വാഴ നനഞ്ഞാൽ ചീരയും നനയും”
“കയ്യാടിയാലേ വയറാടൂ”
“അവിയലിൽ ചേരാത്ത കഷ്ണമില്ല!”
“അണ്ടിയോടടുക്കുമ്പോഴറിയാം, മാങ്ങയുടെ പുളി!”
“അത്താഴമുണ്ടാൽ അരക്കാതം നടക്കണം, മുത്താഴമുണ്ടാൽ മുള്ളിലും കിടക്കണം”
“അധികം വിളഞ്ഞാൽ വിത്തിനും കൊള്ളാ”
“അധികമായാൽ അമൃതും വിഷം”
“അപ്പം തിന്നാൽ മതി; കുഴിയെണ്ണേണ്ട”
“അമ്മിയോടു ചോദിച്ചിട്ടാണോ അരയ്ക്കുന്നത്?”
“അരനാഴിയേ ഉള്ളെങ്കിലും അടുപ്പുകല്ലു മൂന്നു വേണം”
“അരിയെത്ര? പയറഞ്ഞാഴി”
“അഴകുള്ള ചക്കയിൽ ചുളയില്ല!”
“ആറ്റിൽ കളഞ്ഞാലും അളന്നു കളയണം”
“ഉണ്ട ചോറിൽ കല്ലിടരുത്”
“ഉണ്ടവന് പാ കിട്ടാഞ്ഞ്, ഉണ്ണാത്തവന് ഇല കിട്ടാഞ്ഞ്”
“ഉപ്പു തിന്നവൻ വെള്ളം കുടിക്കും”
“ഉള്ള കഞ്ഞിയിൽ പാറ്റ ഇടുക”
“എണ്ണിച്ചുട്ട അപ്പം പോലെ”
“എല്ലു മുറിയെ പണിതാൽ പല്ലു മുറിയേ തിന്നാം”
“കല്ലാടും മുറ്റത്ത് നെല്ലാടുകില്ല”
“കറിക്ക് ചേരാത്ത കഷ്ണം നുറുക്കരുത്”
“ചക്കയ്ക്ക് ചുക്ക്; മാങ്ങയ്ക്ക് തേങ്ങ”
“ഞാറുറച്ചാൽ ചോറുറച്ചു”
“തിന്ന ചോറിന് നന്ദി വേണം”
“മത്ത കുത്തിയാൽ കുമ്പളം മുളയ്ക്കുമോ?”
“പത്തായം പെറും, ചക്കി കുത്തും, അമ്മ വയ്ക്കും, ഞാനുണ്ണും”
“പന്തിയ്ക്കു മുമ്പും പടയ്ക്കു പിമ്പും ”
“പറ നിറയെ പതിരാണെങ്കിലും പാറ്റി നോക്കിയാൽ മണി കാണാം”
“ആലോലനീലമിഴിയാം പ്രിയയാൾ വിളമ്പും ഓലോലനൊന്നു മതി; എന്തിന്നു നൂറു കൂട്ടം?”

ഇളം കരിക്കുകൊണ്ടുള്ള, വളരെ രുചികരമായ വിഭവം....

ആവശ്യമുള്ള സാധനങ്ങൾ:

ഇളം കരിക്കിന്റെ ഉൾഭാഗം ഒരു സ്പൂൺ കൊണ്ട് ചുരണ്ടിയെടുത്തത് - 2 എണ്ണത്തിന്റെ
കരിക്കിൻ വെള്ളം - ഒരെണ്ണത്തിന്റെ
ജലറ്റിൻ - 20-25 ഗ്രാം
കണ്ടൻസ്ഡ് മിൽക്ക് - ഒരു ടിൻ
പാൽ - രണ്ടു കപ്പ്
പഞ്ചസാര - ആവശ്യത്തിന്
തേങ്ങ ചിരകിയത് - ഒരു പിടി

ഉണ്ടാക്കുന്ന വിധം:

കരിക്ക് ചുരണ്ടിയെടുത്തതും കരിക്കിൻ‌വെള്ളത്തിന്റെ പകുതിയും കൂടി മിക്സിയിലിട്ട് നന്നായി അടിക്കുക.

തേങ്ങ ചിരകിയത് ഒരു സ്പൂൺ പഞ്ചസാരയും ചേർത്ത് അടുപ്പത്ത് വച്ച് ബ്രൗൺ നിറമാകുന്നതുവരെ മൊരിക്കുക.

ബാക്കി പകുതി കരിക്കിൻ വെള്ളം നന്നായി ചൂടാക്കി, ജലറ്റിൻ അതിലിട്ട് അലിയിച്ചെടുക്കുക.
പാലും പാകത്തിന് പഞ്ചസാരയും കൂടി ചേർത്ത് അടുപ്പത്തു വച്ച് തിളപ്പിച്ചെടുക്കുക. ഇതിൽ ജലറ്റിൻ അലിയിച്ചതും കണ്ടൻസ്ഡ് മിൽക്കും ചേർത്ത് നന്നായി യോജിപ്പിക്കുക.

ഈ കൂട്ട് ചൂടാറിയശേഷം തയ്യാറാക്കിവച്ചിരിക്കുന്ന കരിക്ക് മിശ്രിതവും ചേർത്ത് യോജിപ്പിക്കുക.

പുഡ്ഡിങ്ങ് സെറ്റ് ചെയ്യാൻ ഉദ്ദേശിക്കുന്ന പാത്രത്തിന്റെ/ബൗളിന്റെ അടിയിൽ മൊരിച്ചു വച്ചിരിക്കുന്ന തേങ്ങാ മിശ്രിതം വിതറിയശേഷം പാത്രം ഫ്രീസറിൽ കുറച്ചുനേരം വച്ചാൽ തേങ്ങ ഉറച്ചുകിട്ടും. (പുഡ്ഡിങ്ങ് മിശ്രിതം ഒഴിക്കുമ്പോൾ തേങ്ങ മുകളിലേക്ക് പൊങ്ങിവരാതിരിക്കാനാണ് ഇങ്ങനെ ചെയ്യുന്നത്)

പാത്രം ഫീസറിൽ നിന്നെടുത്ത ഉടനെ അതിലേക്ക് പുഡ്ഡിങ്ങ് കൂട്ട് സാവധാനം ഒഴിക്കുക. മീതെയും കുറച്ച് മൊരിച്ച തേങ്ങ വിതറാം. നിങ്ങളുടെ മനോധർമ്മം പോലെ നട്സോ, ഉണക്കമുന്തിരിയോ ഒക്കെ ചേർക്കാം. ഞാൻ തേങ്ങ മാത്രമേ ചേർത്തുള്ളു.

പുഡ്ഡിങ്ങ് സെറ്റ് ചെയ്യാൻ വയ്ക്കുക. 30 മിനിട്ട് ഫ്രീസറിൽ വച്ചശേഷം പിന്നീട് ഫ്രിഡ്ജിലേക്ക് മാറ്റുന്നതാണ് നല്ലത്.

ഉറച്ചശേഷം ഒരു പ്ലേറ്റിലേക്കോ മറ്റോ കമഴ്ത്തിയിടാം.

കഷ്ണങ്ങളായി മുറിച്ച് കഴിക്കാം. വളരെ സ്വാദിഷ്ടമാണ് ഈ പുഡ്ഡിങ്ങ്.

ഈ ബ്ലോഗിനേക്കുറിച്ച്...

ഒരു പാചകവിദഗ്ദ്ധയാണെന്ന അവകാശവാദമൊന്നും ഇല്ല കേട്ടോ.. എനിയ്ക്കറിയാവുന്ന ചിലത് നിങ്ങളുമായി പങ്കുവയ്ക്കുന്നു എന്നുമാത്രം.
പണ്ടത്തെ തനതു വിഭവങ്ങളെ അതേപടി, അതേ പേരുകളോടെ‍ തന്നെയാണ് ഇവിടെ പരിചയപ്പെടുത്തുന്നത്. പേരുകള്‍ക്കോ, ഉണ്ടാക്കുന്ന രീതികള്‍ക്കോ പ്രാദേശികമായ വ്യത്യാസങ്ങളുണ്ടാകുമല്ലോ. അതേക്കുറിച്ചുള്ള അന്വേഷണം കൂടിയാണ് ഓരോ കുറിപ്പും. നിങ്ങൾക്കറിയാവുന്നത് പറയുമല്ലോ..?
ഇതിൽ പറയുന്ന കുറിപ്പുകളിൽ ഏതെങ്കിലും നിങ്ങൾക്ക് ഇഷ്ടപ്പെട്ടുവെങ്കിൽ, ഉപകാരപ്രദമായെങ്കിൽ, അതിന് ഞാൻ കടപ്പെട്ടിരിക്കുന്നത് അടുക്കളയെന്ന ലോകം നന്നായറിഞ്ഞു വളർന്ന സാഹചര്യങ്ങളോടും എന്റെ അമ്മയോടുമാണ്.

10 പേർ അഭിപ്രായമറിയിച്ചു:

Mélange said...: karikku kittiyirunnenkil nokkamayirunnu.ugran looks..; February 9, 2012 at 9:24 AM
Unknown said...: ഇത് കണ്ടാല്‍ തന്നെ കൊതിയൂരും
പിന്നെ അല്ലെ കഴിച്ചാല്‍ ....തീര്‍ച്ചയായും ഉണ്ടാക്കി നോക്കണം
നന്ദി ......; February 21, 2012 at 6:26 PM
Unknown said...: ജലറ്റിൻ എവിടെ കിട്ടും ?; February 21, 2012 at 6:28 PM
ബിന്ദു കെ പി said...: My Dreams: ജലറ്റിൻ എല്ലാ സൂപ്പർമാർക്കറ്റുകളിലും കിട്ടും. (ബേക്കിങ്ങ് പൗഡർ, ഐസ്ക്രീം പൗഡർ മുതലായവ ഇരിക്കുന്ന സെക്ഷനിൽ); February 21, 2012 at 7:00 PM
Ambadi said...: gobi manjurian undakkamo?; February 22, 2012 at 4:09 PM
IRF@N said...: ഉഗ്രന്‍.........; February 26, 2012 at 10:32 PM
കാഴ്ചകളിലൂടെ said...: one doubt. i am bit diet concious.
caN we use jaggery in place of sugar ?; February 27, 2012 at 12:12 PM
ബിന്ദു കെ പി said...: @ കാഴ്ചകളിലൂടെ: ശർക്കര വച്ച് ഞാനിതുവരെ പരീക്ഷിച്ചിട്ടില്ല. അതുകൊണ്ട് എന്താ പറയണ്ടേന്നറിയില്ല. ഒരു കാര്യം ചെയ്യൂ. ലേശം കരിക്കിൻ വെള്ളവും കരിക്കും ശർക്കരയും പാലും കൂടി മിക്സിയിൽ അടിച്ച് സ്വാദ് എങ്ങിനെയുണ്ടെന്നു നോക്കൂ. ഇഷ്ടപ്പെട്ടുവെങ്കിൽ പുഡ്ഡിങ്ങ് പരീക്ഷിച്ചു നോക്കാം.; February 28, 2012 at 9:55 PM
കാഴ്ചകളിലൂടെ said...: bindu super. i have experiensed it. good.

thanks

sajeev; April 10, 2012 at 1:11 PM
കാഴ്ചകളിലൂടെ said...: jalatin is a non veg item; July 28, 2012 at 5:50 PM

ഞാന്‍.....

അടുക്കളച്ചൊല്ലുകള്‍.....

വിഭാഗങ്ങള്‍:

ഊണിനു സമയമായോ......?

മലയാളം ബ്ലോഗുകള്‍ ലിസ്റ്റ് ചെയ്യപ്പെടുന്ന ഇടങ്ങള്‍:

കരിക്ക് പുഡ്ഡിങ്ങ്

10 പേർ അഭിപ്രായമറിയിച്ചു:

ഈ ബ്ലോഗിനേക്കുറിച്ച്...

എന്റെ മറ്റു ബ്ലോഗുകള്‍:

ഇപ്പോള്‍ വിരുന്നിനെത്തിവര്‍:

ഇതുവരെ സ്വാദു നോക്കിയവർ

Followers

പ്രധാന ബ്ലോഗിംഗ് സഹായികള്‍: