അടുക്കളത്തളം: രസം

അടുക്കളച്ചൊല്ലുകള്‍.....

“അന്ന വിചാരം മുന്നവിചാരം, പിന്നെ വിചാരം കാര്യവിചാരം”
“ഉപ്പോളം വരുമോ ഉപ്പിലിട്ടത്”
“അരി വിതച്ചാൽ നെല്ലു വിളയാ”
“മുളയിലറിയാം വിള”
“ആര്യൻ വിതച്ചാൽ നവര വിളയുമോ?”
“നവര നട്ടാൽ തുവരയുണ്ടാകുമോ?”
“ഒരു വിത്ത് വിതച്ചാൽ പല വിത്ത് വിളയാ”
“കണ്ണൻ വാഴച്ചുവട്ടിൽ കദളിവാഴയുണ്ടാകുമോ?”
“അമരയും അപരാധവും കുറച്ചുമതി”
“ഉണ്ണാനില്ലാഞ്ഞാൽ വിത്ത്; ഉടുക്കാനില്ലാഞ്ഞാൽ പട്ട്”
“വിത്തുഗുണം പത്തുഗുണം”
“ചൊല്ല് പഴയതായാലും വിത്ത് പഴയതാവരുത്”
“വിശപ്പിനു രുചിയില്ല”
“തവിയറിയുമോ കറിയുടെ രസം?”
“കാന്താരിമുളകെന്തിനാ അധികം?”
“കർക്കിടകച്ചേന കട്ടിട്ടെങ്കിലും തിന്നണം”
“മെല്ലെത്തിന്നാൽ മുള്ളും തിന്നാം”
“പയ്യെത്തിന്നാൽ പനയും തിന്നാം”
“വിത്തെടുത്തുണ്ണരുത്”
“ഉണ്ടെങ്കിലോണം പോലെ ഇല്ലെങ്കിലേകാദശി”
“വെളുക്കുന്നതിനു മുൻപേ അരിവെയ്ക്കണം; അരിവെയ്ക്കുന്നതിനു മുൻപേ കറിവെയ്ക്കരുത്”
“വേണമെങ്കിൽ ചക്ക വേരിലും കായ്ക്കും!”
“എണ്ണിയ പയറ് അളക്കേണ്ട”
“മരത്തിന് കായ കനമല്ല”
“ഉരിനെല്ലൂരാൻ പോയിട്ട് പത്തുപറ നെല്ല് പന്നി തിന്നു”
“മക്കളെ കണ്ടും മാമ്പൂ കണ്ടും കൊതിക്കരുത്”
“ഉച്ചാറലുച്ചയ്ക്ക് വെള്ളാരി നട്ടാൽ വിഷു ഉച്ചയ്ക്ക് പറിക്കാം”
“കർക്കിടകത്തിൽ പത്തില കറിവെച്ചു കൂട്ടണം”
“കാണം വിറ്റും ഓണം ഉണ്ണണം”
“പത്തായം പട്ടിണി കിടക്കരുത്”
“നിലം നികത്തി വീടു വയ്ക്കരുത്”
“തൊഴുതുണ്ണുന്ന ചോറിനേക്കാ‍ൾ ഉഴുതുണ്ണുന്ന ചോറ്”
“വാഴ നനഞ്ഞാൽ ചീരയും നനയും”
“കയ്യാടിയാലേ വയറാടൂ”
“അവിയലിൽ ചേരാത്ത കഷ്ണമില്ല!”
“അണ്ടിയോടടുക്കുമ്പോഴറിയാം, മാങ്ങയുടെ പുളി!”
“അത്താഴമുണ്ടാൽ അരക്കാതം നടക്കണം, മുത്താഴമുണ്ടാൽ മുള്ളിലും കിടക്കണം”
“അധികം വിളഞ്ഞാൽ വിത്തിനും കൊള്ളാ”
“അധികമായാൽ അമൃതും വിഷം”
“അപ്പം തിന്നാൽ മതി; കുഴിയെണ്ണേണ്ട”
“അമ്മിയോടു ചോദിച്ചിട്ടാണോ അരയ്ക്കുന്നത്?”
“അരനാഴിയേ ഉള്ളെങ്കിലും അടുപ്പുകല്ലു മൂന്നു വേണം”
“അരിയെത്ര? പയറഞ്ഞാഴി”
“അഴകുള്ള ചക്കയിൽ ചുളയില്ല!”
“ആറ്റിൽ കളഞ്ഞാലും അളന്നു കളയണം”
“ഉണ്ട ചോറിൽ കല്ലിടരുത്”
“ഉണ്ടവന് പാ കിട്ടാഞ്ഞ്, ഉണ്ണാത്തവന് ഇല കിട്ടാഞ്ഞ്”
“ഉപ്പു തിന്നവൻ വെള്ളം കുടിക്കും”
“ഉള്ള കഞ്ഞിയിൽ പാറ്റ ഇടുക”
“എണ്ണിച്ചുട്ട അപ്പം പോലെ”
“എല്ലു മുറിയെ പണിതാൽ പല്ലു മുറിയേ തിന്നാം”
“കല്ലാടും മുറ്റത്ത് നെല്ലാടുകില്ല”
“കറിക്ക് ചേരാത്ത കഷ്ണം നുറുക്കരുത്”
“ചക്കയ്ക്ക് ചുക്ക്; മാങ്ങയ്ക്ക് തേങ്ങ”
“ഞാറുറച്ചാൽ ചോറുറച്ചു”
“തിന്ന ചോറിന് നന്ദി വേണം”
“മത്ത കുത്തിയാൽ കുമ്പളം മുളയ്ക്കുമോ?”
“പത്തായം പെറും, ചക്കി കുത്തും, അമ്മ വയ്ക്കും, ഞാനുണ്ണും”
“പന്തിയ്ക്കു മുമ്പും പടയ്ക്കു പിമ്പും ”
“പറ നിറയെ പതിരാണെങ്കിലും പാറ്റി നോക്കിയാൽ മണി കാണാം”
“ആലോലനീലമിഴിയാം പ്രിയയാൾ വിളമ്പും ഓലോലനൊന്നു മതി; എന്തിന്നു നൂറു കൂട്ടം?”

രസം ഉണ്ടാക്കാന്‍ വളരെ എളുപ്പമാണ്. മസാല വീട്ടില്‍ തന്നെ തയ്യാറാക്കാനും അത്ര വലിയ ബുദ്ധിമുട്ടൊന്നുമില്ല. പായ്ക്കറ്റില്‍ കിട്ടുന്ന രസപ്പൊടി ഉപയോഗിക്കുന്നതിനേക്കാള്‍ സ്വാദും കൂടും. എന്താണ് രസത്തിനു പിന്നിലുള്ള രസതന്ത്രം? നമുക്കൊന്നു നോക്കാം:

ആവശ്യമുള്ള സാധനങ്ങള്‍:

മസാലയ്ക്ക്:

മല്ലി - 2 റ്റീസ്പൂണ്‍
മുളക് - 6-8
കുരുമുളക് - 3/4 റ്റീസ്പൂണ്‍
കടലപ്പരിപ്പ് - 1 റ്റീസ്പൂണ്‍
ജീരകം - 1/2 റ്റീസ്പൂണ്‍
കറിവേപ്പില - ഒരു തണ്ട്.

മറ്റു സാധനങ്ങള്‍:

തുവരപ്പരിപ്പ് - 50 ഗ്രാം
മഞ്ഞള്‍പ്പൊടി
കായം
പുളി
തക്കാളി - 1-2
മല്ലിയില
ഉപ്പ്
വെള്ളം
കടുക്, മുളക്, കറിവേപ്പില, വെളിച്ചെണ്ണ
ശര്‍ക്കര - 1/4 സ്പൂണ്‍

ഉണ്ടാക്കുന്ന വിധം:

മസാലയ്ക്കായി പറഞ്ഞിരിക്കുന്ന മല്ലി, ജീരകം, കുരുമുളക്, മുളക്, കറിവേപ്പില, കടലപ്പരിപ്പ് എന്നിവ ചെറുതീയില്‍ വച്ച് എണ്ണയൊഴിക്കാതെ വറുത്തെടുക്കുക. കടലപ്പരിപ്പ് വേറെ വറുക്കുന്നതായിരിക്കും നല്ലത്.

വറുത്ത ചേരുവകള്‍ നന്നായി അരച്ചെടുക്കുക.

പരിപ്പ് വേവിച്ച് നന്നായി ഉടച്ചെടുക്കുക(മിക്സിയിലിട്ട് ഒന്നടിച്ചെടുത്താല്‍ നന്നായിരിക്കും). ഇത് 3-4 ഗ്ലാസ് വെള്ളത്തില്‍ കലക്കി, ഇതില്‍ പുളി പിഴിഞ്ഞത്, തക്കാളി അരിഞ്ഞത്, പാകത്തിന് മഞ്ഞള്‍പ്പൊടി, ഉപ്പ്, കായം , സ്വല്പം കറിവേപ്പില എന്നിവ ചേര്‍ത്ത് അടുപ്പത്തു വച്ച് തിളപ്പിക്കുക. (വെളുത്തുള്ളി ഇഷ്ടമുള്ളവര്‍ക്ക് 3-4 ചുള വെളുത്തുള്ളി ചതച്ചതും കൂടി ചേര്‍ക്കാം). പുളിയുടെ പച്ചസ്വാദ് മുഴുവന്‍ പോകാനായി ഒരു പത്തു മിനിട്ടോളം ഈ ചേരുവ തിളപ്പിക്കുക. അപ്പോഴേക്കും തക്കാളിയൊക്കെ നന്നായി വെന്തുടഞ്ഞിട്ടുണ്ടാവും. ഇനി അരപ്പു ചേര്‍ക്കാം. പോരാത്ത വെള്ളവും ചേര്‍ത്തിളക്കി (വെള്ളം ചേര്‍ക്കാന്‍ പിശുക്കു പിടിക്കേണ്ട. ഒഴിച്ചാല്‍ ഓടിപ്പോകുന്ന, പിടിച്ചാല്‍ കിട്ടാത്ത പരുവമായിരിക്കണം രസം. സാമ്പാര്‍ പോലെയാവരുത്) ഉപ്പും പുളിയും എരിവുമൊക്കെ പാകത്തിനാണോ എന്നു നോക്കുക. എരിവ് പോരെങ്കില്‍ കുറച്ചു മുളകുപൊടിയോ കുരുമുളകുപൊടിയോ ചേര്‍ക്കാം.സകലസ്വാദും ക്രമീകരിക്കാനായി അവസാനം കാല്‍സ്പൂണ്‍ ശര്‍ക്കരയും ചേര്‍ത്തിളക്കി, മല്ലിയിലയും ഇട്ട് വാങ്ങിവയ്ക്കാം.

ഇനി വെളിച്ചെണ്ണയില്‍ വറുത്ത കടുകും മുളകും കറിവേപ്പിലയും കൂടി ചേര്‍ത്താല്‍ രസം റെഡി. ചൂടോടെ ഉപയോഗിക്കുക.

ബിരിയാണീന്റെ ഒപ്പം ഒരു ഗ്ലാസ് രസം! അതാപ്പോ ഞമ്മന്റെ സ്റ്റൈല്‍!

കുറിപ്പ്:

രസത്തിന് കുറച്ചു മധുരമുള്ളത് ഇഷ്ടമാണെങ്കില്‍ ശര്‍ക്കര കൂടുതല്‍ ചേര്‍ക്കാം (എന്റെ ഭര്‍തൃഗൃഹത്തില്‍ ഉണ്ടാക്കുന്ന രസം മധുരമുള്ളതാണ്).

പനി, ജലദോഷം മുതലായവയ്ക്കുണ്ടാക്കുന്ന രസത്തിന്റെ കൂട്ടില്‍ മുളക് ഒഴിവാക്കി കുരുമുളകിന്റെയും ജീരകത്തിന്റേയും അളവ് കൂട്ടുക. കടലപ്പരിപ്പും വേണ്ടെന്നു വയ്ക്കാം. തുവരപ്പരിപ്പിന്റെ അളവ് കുറയ്ക്കുകയോ വേണ്ടെന്നു വയ്ക്കുകയോ ചെയ്യാം. ഇങ്ങനെയുണ്ടാക്കുന്ന രസത്തിന് ഏതാണ്ടൊരു കറുപ്പുനിറമായിരിക്കും.
നമ്മള്‍ പലതരം സൂപ്പുകളൊക്കെ ഉണ്ടാക്കാറുണ്ടല്ലൊ. രസവും യഥാര്‍ത്ഥത്തില്‍ ഒരു സൂപ്പു തന്നെയാണ്. അസ്സലൊരു Appetizer. വേവിച്ച പച്ചക്കറിയോ, നൂഡില്‍‌സോ ബ്രഡ് കഷ്ണങ്ങള്‍ വറുത്തതോ ചേര്‍ത്ത് നിങ്ങളുടെ മനോധര്‍മ്മമനുസരിച്ചുള്ള പുതുമകള്‍ രസത്തിലും പരീക്ഷിക്കാവുന്നതാണ്. ഒരു ചേഞ്ച് ആര്‍ക്കാണിഷ്ടമില്ലാത്തത്?

ഈ ബ്ലോഗിനേക്കുറിച്ച്...

ഒരു പാചകവിദഗ്ദ്ധയാണെന്ന അവകാശവാദമൊന്നും ഇല്ല കേട്ടോ.. എനിയ്ക്കറിയാവുന്ന ചിലത് നിങ്ങളുമായി പങ്കുവയ്ക്കുന്നു എന്നുമാത്രം.
പണ്ടത്തെ തനതു വിഭവങ്ങളെ അതേപടി, അതേ പേരുകളോടെ‍ തന്നെയാണ് ഇവിടെ പരിചയപ്പെടുത്തുന്നത്. പേരുകള്‍ക്കോ, ഉണ്ടാക്കുന്ന രീതികള്‍ക്കോ പ്രാദേശികമായ വ്യത്യാസങ്ങളുണ്ടാകുമല്ലോ. അതേക്കുറിച്ചുള്ള അന്വേഷണം കൂടിയാണ് ഓരോ കുറിപ്പും. നിങ്ങൾക്കറിയാവുന്നത് പറയുമല്ലോ..?
ഇതിൽ പറയുന്ന കുറിപ്പുകളിൽ ഏതെങ്കിലും നിങ്ങൾക്ക് ഇഷ്ടപ്പെട്ടുവെങ്കിൽ, ഉപകാരപ്രദമായെങ്കിൽ, അതിന് ഞാൻ കടപ്പെട്ടിരിക്കുന്നത് അടുക്കളയെന്ന ലോകം നന്നായറിഞ്ഞു വളർന്ന സാഹചര്യങ്ങളോടും എന്റെ അമ്മയോടുമാണ്.

21 പേർ അഭിപ്രായമറിയിച്ചു:

ബിന്ദു കെ പി said...: ബിരിയാണീന്റെ ഒപ്പം ഒരു ഗ്ലാസ് രസം! അതാപ്പോ ഞമ്മന്റെ സ്റ്റൈല്‍! :) :); January 5, 2011 at 10:46 AM
ശ്രീ said...: ശ്ശോ! ഒരു ഗ്ലാസ്സ് രസം കുടിയ്ക്കാന്‍ തോന്നുന്നു. :); January 5, 2011 at 10:57 AM
Rare Rose said...: ശര്‍ക്കര രസത്തിന്റെ രസം ഇപ്പോ തന്നെ കുടിച്ചു നോക്കി അറിയാന്‍ തോന്നുന്നു.:); January 5, 2011 at 11:47 AM
Jazmikkutty said...: ബിരിയാണീന്റെ ഒപ്പം ഒരു ഗ്ലാസ് രസം!
:); January 5, 2011 at 1:22 PM
Jazmikkutty said...: ബിരിയാണീന്റെ ഒപ്പം ഒരു ഗ്ലാസ് രസം!
:); January 5, 2011 at 1:22 PM
ആളവന്‍താന്‍ said...: ഉച്ചയൂണ് കഴിഞ്ഞാല്‍ ബിന്ദു ചേച്ചി ഉണ്ടാക്കിയ ഒരു ഗ്ലാസ്‌ രസം; അത് നിര്‍ബന്ധാ....!!; January 5, 2011 at 2:12 PM
പഞ്ചാരകുട്ടന്‍ -malarvadiclub said...: ഇത് സാധാരണ റെസിപ്പി അല്ലെ എന്തെങ്ങിലും വ്യത്യാസം ഉണ്ടോ.ഓഫീസിലെ തിങ്കളാഴ്ചത്തെ ലഞ്ചില്‍ ആകെ കഴിക്കുന്നത്‌ ഇതാ.; January 5, 2011 at 6:41 PM
poor-me/പാവം-ഞാന്‍ said...: Oh my mercury!!; January 5, 2011 at 6:58 PM
കുഞ്ഞൂസ് (Kunjuss) said...: ഒരു ഗ്ലാസ്സ് രസം കുടിക്കാൻ കൊതിയാവുന്നു..; January 5, 2011 at 11:26 PM
Swathi said...: Adipoli rasam. My favorite.; January 6, 2011 at 1:44 AM
Unknown said...: chumma kothippickalle ......; January 6, 2011 at 3:50 PM
Manju Manoj said...: ഈ ബിന്ദുനെ കൊണ്ട് തോറ്റു ഞാന്‍... ബിന്ദു ഉണ്ടാക്കുന്ന എല്ലാ വിഭവങ്ങളും എന്റെ ഇഷ്ടവിഭവങ്ങള്‍... കൊതി വരുന്നു ...പക്ഷെ ഇതെനിക്ക് ഇവിടെ ഉണ്ടാക്കാന്‍ പറ്റും ട്ടോ... കറിവേപ്പില ഒഴിച്ച് ബാക്കി എല്ലാം ഉണ്ട്.ഇനി ഇതുപോലെ ഉണ്ടാക്കി നോക്കട്ടെ.... നന്ദി ബിന്ദു; January 7, 2011 at 6:20 PM
mini//മിനി said...: രസം നല്ല രസം; January 9, 2011 at 7:51 AM
Babitha Jays said...: This comment has been removed by the author.; January 10, 2011 at 12:06 PM
Babitha Jays said...: Rasam Super Chechi....
I will try.; January 10, 2011 at 12:07 PM
ചാര്‍ളി (ഓ..ചുമ്മാ ) said...: അതു കൊള്ളാം..
വെറുതേ ഇരുന്ന എന്നെ കൊതിപ്പിച്ചു..
അപ്പോ ഈ ബിരിയാണി എവിടെ കിട്ടും..
സലിംകുമാര്‍ പറഞ്ഞ പോലെ ഗേറ്റിനടൂത്ത് ആരേലും ചുമ്മാ ബിരിയാണി കൊണ്ടെ തരുമോ ആവോ..നോക്കിയിരിക്കാം..; January 10, 2011 at 3:29 PM
Cartoonist said...: എന്റെ നിയന്ത്രണത്തിന്റെ കഥകഴിക്കാനായി,അതാ,
ആ ഇലകള്‍, മല്ലിയിലകള്‍,
പതുങ്ങിക്കിടക്കുകയാണ് !

ബിന്ദൂനെ പണ്ടേ സമ്മതിച്ചുകഴിഞ്ഞതാണ്.
‘അടുക്കളത്തളം‘ ബ്രാന്‍ഡ് വെട്ടുഗ്ലാസ്സിലെ
ദ്രാവകത്തിന്റെ ആ നിലപാട് ഒറ്റയെണ്ണം മതിയല്ലൊ !; January 12, 2011 at 11:56 PM
ravanan said...: എന്റെ കൂടുകാരന്‍ തപസ് പാരിട (ഒറീസ്സ) അസാധ്യം ആയിട്ട് രസം വക്കും. അപ്പോള്‍ സൌത്ത് ഇന്ത്യക്കാരന്‍ ആണെന്ന് പറയാന്‍ നാണം തോന്നും; January 19, 2011 at 5:43 PM
Shahid Ibrahim said...: shyoo; May 4, 2012 at 4:43 PM
ശ്രീലാല്‍ said...: അനുഗ്രഹിക്കില്ലേ ?; December 11, 2012 at 7:30 PM
ബിന്ദു കെ പി said...: @ ശ്രീലാൽ: വിജയീ ഭവ! :); December 11, 2012 at 8:03 PM

ഞാന്‍.....

അടുക്കളച്ചൊല്ലുകള്‍.....

വിഭാഗങ്ങള്‍:

ഊണിനു സമയമായോ......?

മലയാളം ബ്ലോഗുകള്‍ ലിസ്റ്റ് ചെയ്യപ്പെടുന്ന ഇടങ്ങള്‍:

രസം

21 പേർ അഭിപ്രായമറിയിച്ചു:

ഈ ബ്ലോഗിനേക്കുറിച്ച്...

എന്റെ മറ്റു ബ്ലോഗുകള്‍:

ഇപ്പോള്‍ വിരുന്നിനെത്തിവര്‍:

ഇതുവരെ സ്വാദു നോക്കിയവർ

Followers

പ്രധാന ബ്ലോഗിംഗ് സഹായികള്‍: