അടുക്കളത്തളം: നെല്ലിക്ക അച്ചാർ

അടുക്കളച്ചൊല്ലുകള്‍.....

“അന്ന വിചാരം മുന്നവിചാരം, പിന്നെ വിചാരം കാര്യവിചാരം”
“ഉപ്പോളം വരുമോ ഉപ്പിലിട്ടത്”
“അരി വിതച്ചാൽ നെല്ലു വിളയാ”
“മുളയിലറിയാം വിള”
“ആര്യൻ വിതച്ചാൽ നവര വിളയുമോ?”
“നവര നട്ടാൽ തുവരയുണ്ടാകുമോ?”
“ഒരു വിത്ത് വിതച്ചാൽ പല വിത്ത് വിളയാ”
“കണ്ണൻ വാഴച്ചുവട്ടിൽ കദളിവാഴയുണ്ടാകുമോ?”
“അമരയും അപരാധവും കുറച്ചുമതി”
“ഉണ്ണാനില്ലാഞ്ഞാൽ വിത്ത്; ഉടുക്കാനില്ലാഞ്ഞാൽ പട്ട്”
“വിത്തുഗുണം പത്തുഗുണം”
“ചൊല്ല് പഴയതായാലും വിത്ത് പഴയതാവരുത്”
“വിശപ്പിനു രുചിയില്ല”
“തവിയറിയുമോ കറിയുടെ രസം?”
“കാന്താരിമുളകെന്തിനാ അധികം?”
“കർക്കിടകച്ചേന കട്ടിട്ടെങ്കിലും തിന്നണം”
“മെല്ലെത്തിന്നാൽ മുള്ളും തിന്നാം”
“പയ്യെത്തിന്നാൽ പനയും തിന്നാം”
“വിത്തെടുത്തുണ്ണരുത്”
“ഉണ്ടെങ്കിലോണം പോലെ ഇല്ലെങ്കിലേകാദശി”
“വെളുക്കുന്നതിനു മുൻപേ അരിവെയ്ക്കണം; അരിവെയ്ക്കുന്നതിനു മുൻപേ കറിവെയ്ക്കരുത്”
“വേണമെങ്കിൽ ചക്ക വേരിലും കായ്ക്കും!”
“എണ്ണിയ പയറ് അളക്കേണ്ട”
“മരത്തിന് കായ കനമല്ല”
“ഉരിനെല്ലൂരാൻ പോയിട്ട് പത്തുപറ നെല്ല് പന്നി തിന്നു”
“മക്കളെ കണ്ടും മാമ്പൂ കണ്ടും കൊതിക്കരുത്”
“ഉച്ചാറലുച്ചയ്ക്ക് വെള്ളാരി നട്ടാൽ വിഷു ഉച്ചയ്ക്ക് പറിക്കാം”
“കർക്കിടകത്തിൽ പത്തില കറിവെച്ചു കൂട്ടണം”
“കാണം വിറ്റും ഓണം ഉണ്ണണം”
“പത്തായം പട്ടിണി കിടക്കരുത്”
“നിലം നികത്തി വീടു വയ്ക്കരുത്”
“തൊഴുതുണ്ണുന്ന ചോറിനേക്കാ‍ൾ ഉഴുതുണ്ണുന്ന ചോറ്”
“വാഴ നനഞ്ഞാൽ ചീരയും നനയും”
“കയ്യാടിയാലേ വയറാടൂ”
“അവിയലിൽ ചേരാത്ത കഷ്ണമില്ല!”
“അണ്ടിയോടടുക്കുമ്പോഴറിയാം, മാങ്ങയുടെ പുളി!”
“അത്താഴമുണ്ടാൽ അരക്കാതം നടക്കണം, മുത്താഴമുണ്ടാൽ മുള്ളിലും കിടക്കണം”
“അധികം വിളഞ്ഞാൽ വിത്തിനും കൊള്ളാ”
“അധികമായാൽ അമൃതും വിഷം”
“അപ്പം തിന്നാൽ മതി; കുഴിയെണ്ണേണ്ട”
“അമ്മിയോടു ചോദിച്ചിട്ടാണോ അരയ്ക്കുന്നത്?”
“അരനാഴിയേ ഉള്ളെങ്കിലും അടുപ്പുകല്ലു മൂന്നു വേണം”
“അരിയെത്ര? പയറഞ്ഞാഴി”
“അഴകുള്ള ചക്കയിൽ ചുളയില്ല!”
“ആറ്റിൽ കളഞ്ഞാലും അളന്നു കളയണം”
“ഉണ്ട ചോറിൽ കല്ലിടരുത്”
“ഉണ്ടവന് പാ കിട്ടാഞ്ഞ്, ഉണ്ണാത്തവന് ഇല കിട്ടാഞ്ഞ്”
“ഉപ്പു തിന്നവൻ വെള്ളം കുടിക്കും”
“ഉള്ള കഞ്ഞിയിൽ പാറ്റ ഇടുക”
“എണ്ണിച്ചുട്ട അപ്പം പോലെ”
“എല്ലു മുറിയെ പണിതാൽ പല്ലു മുറിയേ തിന്നാം”
“കല്ലാടും മുറ്റത്ത് നെല്ലാടുകില്ല”
“കറിക്ക് ചേരാത്ത കഷ്ണം നുറുക്കരുത്”
“ചക്കയ്ക്ക് ചുക്ക്; മാങ്ങയ്ക്ക് തേങ്ങ”
“ഞാറുറച്ചാൽ ചോറുറച്ചു”
“തിന്ന ചോറിന് നന്ദി വേണം”
“മത്ത കുത്തിയാൽ കുമ്പളം മുളയ്ക്കുമോ?”
“പത്തായം പെറും, ചക്കി കുത്തും, അമ്മ വയ്ക്കും, ഞാനുണ്ണും”
“പന്തിയ്ക്കു മുമ്പും പടയ്ക്കു പിമ്പും ”
“പറ നിറയെ പതിരാണെങ്കിലും പാറ്റി നോക്കിയാൽ മണി കാണാം”
“ആലോലനീലമിഴിയാം പ്രിയയാൾ വിളമ്പും ഓലോലനൊന്നു മതി; എന്തിന്നു നൂറു കൂട്ടം?”

പോഷകസമ്പന്നമായ നെല്ലിക്കയുടെ ഗുണഗണങ്ങളെപറ്റി പ്രത്യേകം വിവരിക്കേണ്ട ആവശ്യമില്ലല്ലോ. ഇത് നെല്ലിക്കയുടെ സീസൺ. വിലയും കുറഞ്ഞു. വാങ്ങി അച്ചാറുണ്ടാക്കുകയോ ഉപ്പിലിടുകയോ ഒക്കെ ചെയ്യാം.

നെല്ലിക്ക അച്ചാറിന് ഞങ്ങൾ നെല്ലിക്കാക്കറി എന്നാണ് പറയുന്നത്. ഇതുണ്ടാക്കാൻ വലിയ ബുദ്ധിമുട്ടൊന്നുമില്ല.

ആവശ്യമുള്ള സാധനങ്ങൾ

നെല്ലിക്ക - മുക്കാൽ കിലോ

എരിവു കുറവുള്ള മുളകുപൊടി :- ഏകദേശം 8-9 സ്പൂൺ. (കാശ്മീരി മുളകുപൊടി ആണ് ഞാൻ എടുത്തിരിക്കുന്നത്. ഇതിന് എരിവ് കുറവാണെന്നു മാത്രമല്ല, കൊഴുപ്പും ചുവപ്പുനിറവും കൂടുതലാണ്).

കായം - 3 സ്പൂൺ

ഉലുവാപ്പൊടി - 3 സ്പൂൺ

ഉപ്പ് -പാകത്തിന്

വിനാഗിരി -3 ടേബിൾ സ്പൂൺ (വിനാഗിരി നിർബന്ധമില്ലാട്ടോ. പണ്ടൊന്നും ചേർക്കാറില്ല. അച്ചാർ പെട്ടെന്ന് കേടാകാതിരിക്കാൻ കുറച്ചു വിനാഗിരി ചേർക്കുന്നത് നല്ലതാണ്. നെല്ലിക്കയുടെ ചവർപ്പ് കുറഞ്ഞുകിട്ടുകയും ചെയ്യും).
നല്ലെണ്ണ - 2 ടേബിൾ സ്പൂൺ

വറുത്തിടാനുള്ള കടുക്, മുളക്, കറിവേപ്പില.
അവശ്യത്തിന് വെള്ളം

ഉണ്ടാക്കുന്ന വിധം:

നെല്ലിക്ക ഒരു വലിയ പാത്രത്തിലിട്ട് നികക്കെ വെള്ളമൊഴിച്ച് അടുപ്പത്തു വയ്ക്കുക. ഒന്നു തിളച്ചാൽ തീ കുറച്ചശേഷം രണ്ടുമൂന്നു മിനിട്ടു കഴിഞ്ഞ് വാങ്ങി വയ്ക്കുക. നെല്ലിക്കയുടെ പച്ചനിറം മാറണമെന്നേയുള്ളൂ. വല്ലാതെ വെന്ത്, ഉടഞ്ഞുപോവുന്ന പരുവത്തിലാവരുത്. ആറിയശേഷം നെല്ലിക്ക കുരു കളഞ്ഞ് കഷ്ണങ്ങളാക്കി എടുക്കുക. വേവാനുപയോഗിച്ച വെള്ളം കളയരുത്. (നെല്ലിക്ക മുഴുവനോടെയും ഇടാം. കഷ്ണങ്ങളാക്കുന്നതാണ് വേഗം ഉപ്പും മുളകും പിടിക്കാൻ നല്ലത്. കൂടുതൽ സ്വാദും അതാണെന്നാണ് എന്റെ പക്ഷം. നിങ്ങളുടെ ഇഷ്ടം പോലെ ചെയ്യുക).

ഇനി ഒരു ചീനച്ചട്ടി/ഫ്രയിങ്ങ് പാൻ അടുപ്പത്തു വച്ച് നല്ലെണ്ണയിൽ കടുകും മുളകും കറിവേപ്പിലയും വറുത്തശേഷം ഇതിലേക്ക് മുളകുപൊടി ഇട്ട് കട്ടകെട്ടാതെ നന്നായി ഇളക്കുക. തീ നന്നായി കുറച്ചു വയ്ക്കണം. ഇല്ലെങ്കിൽ കരിഞ്ഞുപോകും. മുളകുപൊടി മൂത്ത മണം വന്നാൽ നെല്ലിക്ക വേവാനുപയോഗിച്ച വെള്ളം ഇതിലേക്ക് ഒഴിച്ചിളക്കുക. ഉപ്പും ചേർക്കുക. ( ഉപ്പ് കുറേശ്ശെയായി ചേർത്ത് പാകത്തിനാക്കണം). അതിനുശേഷം വിനാഗിരിയും ചേർത്ത് ഒന്നു തിളച്ചാൽ കായവും ഉലുവാപ്പൊടിയും ചേർത്ത് ഇളക്കി വാങ്ങി വയ്ക്കുക. അവസാനം തയ്യാറാക്കി വച്ചിരിക്കുന്ന നെല്ലിക്കയും ചേർത്ത് നന്നായി ഇളക്കിയാൽ അച്ചാർ തയ്യാറായിക്കഴിഞ്ഞു! അച്ചാർ നല്ലപോലെ അയഞ്ഞ പരുവത്തിലായിരിക്കണം. വെള്ളം പോരെങ്കിൽ തിളപ്പിച്ചാറിയ വെള്ളം പാകത്തിന് ചേർത്ത് അയവു വരുത്തുക. ഇല്ലെങ്കിൽ പിന്നീട് അച്ചാർ വല്ലാതെ കട്ടിയായിപ്പോവും. (നെല്ലിക്ക അസ്സലൊരു “വെള്ളം കുടിയ”നാണ്).

വളരെ പെട്ടെന്നു തന്നെ ഉപ്പും മുളകും പിടിക്കുന്നതുകൊണ്ട് ഈ നെല്ലിക്ക അച്ചാർ ഉണ്ടാക്കിയതിന്റെ പിറ്റേദിവസം തന്നെ ഉപയോഗിക്കാൻ പാകമാവും.

കുറിപ്പ്:

ദീർഘകാല സൂക്ഷിപ്പിന് നെല്ലിക്ക അച്ചാർ അനുയോജ്യമല്ലെന്നാണ് അനുഭവം. അധികമുണ്ടെങ്കിൽ ഫ്രിഡ്ജിൽ വയ്ക്കുന്നതാണ് നല്ലത്.

അച്ചാർ സൂക്ഷിക്കുന്ന കുപ്പിയിൽ/ഭരണിയിൽ മുകൾപ്പരപ്പിലായി നല്ലെണ്ണയിൽ മുക്കിയ തുണിക്കഷ്ണം വിരിച്ചിടുന്നതും വിനാഗിരിയിൽ മുക്കിയ തുണികൊണ്ട് വക്ക് തുടയ്ക്കുന്നതും പൂപ്പൽ വരാതിരിക്കാൻ സഹായിക്കും.

ഈ ബ്ലോഗിനേക്കുറിച്ച്...

ഒരു പാചകവിദഗ്ദ്ധയാണെന്ന അവകാശവാദമൊന്നും ഇല്ല കേട്ടോ.. എനിയ്ക്കറിയാവുന്ന ചിലത് നിങ്ങളുമായി പങ്കുവയ്ക്കുന്നു എന്നുമാത്രം.
പണ്ടത്തെ തനതു വിഭവങ്ങളെ അതേപടി, അതേ പേരുകളോടെ‍ തന്നെയാണ് ഇവിടെ പരിചയപ്പെടുത്തുന്നത്. പേരുകള്‍ക്കോ, ഉണ്ടാക്കുന്ന രീതികള്‍ക്കോ പ്രാദേശികമായ വ്യത്യാസങ്ങളുണ്ടാകുമല്ലോ. അതേക്കുറിച്ചുള്ള അന്വേഷണം കൂടിയാണ് ഓരോ കുറിപ്പും. നിങ്ങൾക്കറിയാവുന്നത് പറയുമല്ലോ..?
ഇതിൽ പറയുന്ന കുറിപ്പുകളിൽ ഏതെങ്കിലും നിങ്ങൾക്ക് ഇഷ്ടപ്പെട്ടുവെങ്കിൽ, ഉപകാരപ്രദമായെങ്കിൽ, അതിന് ഞാൻ കടപ്പെട്ടിരിക്കുന്നത് അടുക്കളയെന്ന ലോകം നന്നായറിഞ്ഞു വളർന്ന സാഹചര്യങ്ങളോടും എന്റെ അമ്മയോടുമാണ്.

23 പേർ അഭിപ്രായമറിയിച്ചു:

ബിന്ദു കെ പി said...: നെല്ലിക്ക അച്ചാറിന് ഞങ്ങൾ നെല്ലിക്കാക്കറി എന്നാണ് പറയുന്നത്. ഇതുണ്ടാക്കാൻ വലിയ ബുദ്ധിമുട്ടൊന്നുമില്ല.; December 21, 2009 at 9:52 AM
ഉപാസന || Upasana said...: എന്റെ ഫേവറൈറ്റ് ആണ്
:‌); December 21, 2009 at 11:52 AM
Typist | എഴുത്തുകാരി said...: ഞങ്ങളും അങ്ങനെത്തന്നെ പറയുന്നതു്. വിനാഗിരി ചേര്‍ക്കാറില്ല. പടത്തിലതു കണ്ടിട്ടു കൊതിയാവുന്നു.; December 21, 2009 at 12:59 PM
കുഞ്ഞൻ said...: kothiyaayittu vayyee..

pandu school gatil oru undhuvandiyil nellikka uppilittathu vaangaan kittumaayirunnu. valuthinu 10 paisayum cheruthinu 5 paisayumaayirunnu...; December 21, 2009 at 2:42 PM
ആഷ | Asha said...: വായിൽ ഗ്ലും ഗ്ലും ഗ്ലും...:); December 21, 2009 at 2:43 PM
ശ്രീ said...: നെല്ലിക്ക അച്ചാര്‍‌ എനിയ്ക്കും വളരെ ഇഷ്ടമാണ്.

കണ്ടിട്ട് കൊതിയാകുന്നുമുണ്ട്. :); December 21, 2009 at 4:32 PM
രാജേഷ്‌ ചിത്തിര said...: thanks

nattil poyi venam undaakkaan; December 21, 2009 at 7:25 PM
ചാണക്യന്‍ said...: ഗൊള്ളാം....ഫേവറൈറ്റ് അച്ചാറിന്റെ നിർമ്മാണ രീതി....സഹിക്കിണീല്യാ....:); December 21, 2009 at 9:03 PM
അനില്‍@ബ്ലോഗ് // anil said...: താങ്കൂ, താങ്കൂ.
:); December 21, 2009 at 11:26 PM
ബയാന്‍ said...: >>>ഇതുണ്ടാക്കാൻ വലിയ ബുദ്ധിമുട്ടൊന്നുമില്ല ; <<<

ഒന്നുണ്ടാക്കി നോക്കട്ടെ. ബുദ്ധിമുട്ടും ആപേക്ഷികമാണെന്നറിയണമല്ലോ.

അച്ചാര്‍ വിളംബിയ പാത്രം :); December 23, 2009 at 6:57 PM
ബയാന്‍ said...: bindu:

അച്ചാര്‍ ഉണ്ടാക്കി കഴിഞ്ഞു; ഉലുവ പൊടിക്കാനൊന്നും നിന്നീല്ല, ഈസ്റ്റേണ്‍ അച്ചാര്‍പൊടിയുണ്ടായിരുന്നു.

പച്ച കഴിക്കാന്‍ കൊണ്ടുവന്ന നെല്ലിക്ക കേടുവരാന്‍ തുടങ്ങിയാല്‍ ഇനി ഇതൊരുപതിവാക്കാം.

പോസ്റ്റിനും ബിന്ദുവിനും നന്ദി.; December 23, 2009 at 7:43 PM
Manoraj said...: കണ്ടിട്ട് കൊതിയാകുന്നുമുണ്ട്; December 24, 2009 at 11:27 AM
Manoraj said...: കണ്ടിട്ട് കൊതിയാകുന്നുമുണ്ട്; December 24, 2009 at 11:27 AM
Cartoonist said...: കറിനിര്‍മ്മാണത്തിനുശേഷം പരിക്ഷീണയായ ശ്രീമതി സംഭാരം കുടിക്കുന്നതിനിടെ എന്നെ ഓര്‍മ്മിപ്പിച്ചു:
പൂപ്പല്‍ കഴിക്കുന്ന പതിവില്ലെങ്കില്‍, ബിന്ദു പറഞ്ഞപോലെ എണ്ണശ്ശീല അല്ലെങ്കില്‍ വിനാഗിരി ഇട്ടോളോ.

രണ്ടും വേണ്ടാന്ന് ഞാനും സിദ്ദാണീം കൂടി തെളിയിച്ചുകൊടുത്തു- ഹോര്‍ളിക്സുകുപ്പ്യല്ലെ. ഫിനിഷീയ്യാന്‍ രണ്ടൂസം വേണ്ടിവന്നൂന്നുമാത്രം!; December 28, 2009 at 12:14 PM
നന്ദന said...: സത്യം പറയാലോ ബിന്ദു വായില്‍ വെള്ളമൂറി ...?
(വലിയ ഒരു ഔഷധഗുണം നെല്ലിക്കക്കുണ്ട് അത് പിന്നീട് എഴുതാം ട്ടോ ); December 30, 2009 at 10:15 AM
jayanEvoor said...: എനിക്കേറ്റവും ഇഷ്ടപ്പെട്ട അച്ചാര്‍!
ആഹാ!
വായില്‍ കപ്പലോടുന്നു!; December 30, 2009 at 12:29 PM
raj said...: I read your blog Very nice and I like it please visit My Blog rishisoorya.blogspot.com; January 15, 2010 at 2:36 PM
raj said...: This comment has been removed by the author.; January 15, 2010 at 2:37 PM
Jith Raj said...: My all time favorite. Thanks for serving.; August 1, 2010 at 8:52 PM
yunusmalappuram said...: ചേച്ചി അനുഗ്രഹിക്കണം ..അച്ചാർ ഉണ്ടാക്കാൻ പോകുകയാ ...; November 5, 2014 at 4:47 PM
VARGHESE said...: ഞങ്ങള്‍ ഉണ്ടാക്കുന്ന അച്ചാര്‍ പുപ്പല്‍ പിടിക്കുന്നു പരിഹാരം എന്താണെന്ന് പറഞ്ഞു തരാമോ; October 16, 2016 at 8:26 AM
anu said...: എന്നിട്ട് നിങ്ങൾ വാങ്ങിക്കാറുണ്ടോ; October 3, 2020 at 5:38 PM
anu said...: എന്നിട്ട് നിങ്ങൾ വാങ്ങിക്കാറുണ്ടോ; October 3, 2020 at 5:38 PM

ഞാന്‍.....

അടുക്കളച്ചൊല്ലുകള്‍.....

വിഭാഗങ്ങള്‍:

ഊണിനു സമയമായോ......?

മലയാളം ബ്ലോഗുകള്‍ ലിസ്റ്റ് ചെയ്യപ്പെടുന്ന ഇടങ്ങള്‍:

നെല്ലിക്ക അച്ചാർ

23 പേർ അഭിപ്രായമറിയിച്ചു:

ഈ ബ്ലോഗിനേക്കുറിച്ച്...

എന്റെ മറ്റു ബ്ലോഗുകള്‍:

ഇപ്പോള്‍ വിരുന്നിനെത്തിവര്‍:

ഇതുവരെ സ്വാദു നോക്കിയവർ

Followers

പ്രധാന ബ്ലോഗിംഗ് സഹായികള്‍: