അടുക്കളത്തളം: പക്കുവട

അടുക്കളച്ചൊല്ലുകള്‍.....

“അന്ന വിചാരം മുന്നവിചാരം, പിന്നെ വിചാരം കാര്യവിചാരം”
“ഉപ്പോളം വരുമോ ഉപ്പിലിട്ടത്”
“അരി വിതച്ചാൽ നെല്ലു വിളയാ”
“മുളയിലറിയാം വിള”
“ആര്യൻ വിതച്ചാൽ നവര വിളയുമോ?”
“നവര നട്ടാൽ തുവരയുണ്ടാകുമോ?”
“ഒരു വിത്ത് വിതച്ചാൽ പല വിത്ത് വിളയാ”
“കണ്ണൻ വാഴച്ചുവട്ടിൽ കദളിവാഴയുണ്ടാകുമോ?”
“അമരയും അപരാധവും കുറച്ചുമതി”
“ഉണ്ണാനില്ലാഞ്ഞാൽ വിത്ത്; ഉടുക്കാനില്ലാഞ്ഞാൽ പട്ട്”
“വിത്തുഗുണം പത്തുഗുണം”
“ചൊല്ല് പഴയതായാലും വിത്ത് പഴയതാവരുത്”
“വിശപ്പിനു രുചിയില്ല”
“തവിയറിയുമോ കറിയുടെ രസം?”
“കാന്താരിമുളകെന്തിനാ അധികം?”
“കർക്കിടകച്ചേന കട്ടിട്ടെങ്കിലും തിന്നണം”
“മെല്ലെത്തിന്നാൽ മുള്ളും തിന്നാം”
“പയ്യെത്തിന്നാൽ പനയും തിന്നാം”
“വിത്തെടുത്തുണ്ണരുത്”
“ഉണ്ടെങ്കിലോണം പോലെ ഇല്ലെങ്കിലേകാദശി”
“വെളുക്കുന്നതിനു മുൻപേ അരിവെയ്ക്കണം; അരിവെയ്ക്കുന്നതിനു മുൻപേ കറിവെയ്ക്കരുത്”
“വേണമെങ്കിൽ ചക്ക വേരിലും കായ്ക്കും!”
“എണ്ണിയ പയറ് അളക്കേണ്ട”
“മരത്തിന് കായ കനമല്ല”
“ഉരിനെല്ലൂരാൻ പോയിട്ട് പത്തുപറ നെല്ല് പന്നി തിന്നു”
“മക്കളെ കണ്ടും മാമ്പൂ കണ്ടും കൊതിക്കരുത്”
“ഉച്ചാറലുച്ചയ്ക്ക് വെള്ളാരി നട്ടാൽ വിഷു ഉച്ചയ്ക്ക് പറിക്കാം”
“കർക്കിടകത്തിൽ പത്തില കറിവെച്ചു കൂട്ടണം”
“കാണം വിറ്റും ഓണം ഉണ്ണണം”
“പത്തായം പട്ടിണി കിടക്കരുത്”
“നിലം നികത്തി വീടു വയ്ക്കരുത്”
“തൊഴുതുണ്ണുന്ന ചോറിനേക്കാ‍ൾ ഉഴുതുണ്ണുന്ന ചോറ്”
“വാഴ നനഞ്ഞാൽ ചീരയും നനയും”
“കയ്യാടിയാലേ വയറാടൂ”
“അവിയലിൽ ചേരാത്ത കഷ്ണമില്ല!”
“അണ്ടിയോടടുക്കുമ്പോഴറിയാം, മാങ്ങയുടെ പുളി!”
“അത്താഴമുണ്ടാൽ അരക്കാതം നടക്കണം, മുത്താഴമുണ്ടാൽ മുള്ളിലും കിടക്കണം”
“അധികം വിളഞ്ഞാൽ വിത്തിനും കൊള്ളാ”
“അധികമായാൽ അമൃതും വിഷം”
“അപ്പം തിന്നാൽ മതി; കുഴിയെണ്ണേണ്ട”
“അമ്മിയോടു ചോദിച്ചിട്ടാണോ അരയ്ക്കുന്നത്?”
“അരനാഴിയേ ഉള്ളെങ്കിലും അടുപ്പുകല്ലു മൂന്നു വേണം”
“അരിയെത്ര? പയറഞ്ഞാഴി”
“അഴകുള്ള ചക്കയിൽ ചുളയില്ല!”
“ആറ്റിൽ കളഞ്ഞാലും അളന്നു കളയണം”
“ഉണ്ട ചോറിൽ കല്ലിടരുത്”
“ഉണ്ടവന് പാ കിട്ടാഞ്ഞ്, ഉണ്ണാത്തവന് ഇല കിട്ടാഞ്ഞ്”
“ഉപ്പു തിന്നവൻ വെള്ളം കുടിക്കും”
“ഉള്ള കഞ്ഞിയിൽ പാറ്റ ഇടുക”
“എണ്ണിച്ചുട്ട അപ്പം പോലെ”
“എല്ലു മുറിയെ പണിതാൽ പല്ലു മുറിയേ തിന്നാം”
“കല്ലാടും മുറ്റത്ത് നെല്ലാടുകില്ല”
“കറിക്ക് ചേരാത്ത കഷ്ണം നുറുക്കരുത്”
“ചക്കയ്ക്ക് ചുക്ക്; മാങ്ങയ്ക്ക് തേങ്ങ”
“ഞാറുറച്ചാൽ ചോറുറച്ചു”
“തിന്ന ചോറിന് നന്ദി വേണം”
“മത്ത കുത്തിയാൽ കുമ്പളം മുളയ്ക്കുമോ?”
“പത്തായം പെറും, ചക്കി കുത്തും, അമ്മ വയ്ക്കും, ഞാനുണ്ണും”
“പന്തിയ്ക്കു മുമ്പും പടയ്ക്കു പിമ്പും ”
“പറ നിറയെ പതിരാണെങ്കിലും പാറ്റി നോക്കിയാൽ മണി കാണാം”
“ആലോലനീലമിഴിയാം പ്രിയയാൾ വിളമ്പും ഓലോലനൊന്നു മതി; എന്തിന്നു നൂറു കൂട്ടം?”

പക്കുവട എല്ലാവർക്കും പരിചയമുള്ള വിഭവമാണല്ലൊ. ഇതുണ്ടാക്കുന്നതെങ്ങനെയെന്ന് നോക്കിയാലോ..?

ആവശ്യമുള്ള സാധനങ്ങൾ:

വറുക്കാത്ത അരിപ്പൊടി - 4 ഗ്ലാസ്.
കടലമാവ് - 1 ഗ്ലാസ്
വെണ്ണ/ഡാൽഡ - 1 ടേബിൾ സ്പൂൺ
മുളകുപൊടി,കായം, ഉപ്പ്, വെള്ളം - ആവശ്യത്തിന്
വെളിച്ചെണ്ണ - വറുക്കാൻ ആവശ്യമുള്ളത്

ഉണ്ടാക്കുന്ന വിധം:

സേവനാഴി പക്കുവടയ്ക്കുള്ള അച്ച് (ചില്ല് എന്നാണ് വീട്ടിൽ പറയുന്നത്) ഇട്ട് തയ്യാറാക്കി വയ്ക്കുക. അച്ചിലെ ദ്വാരങ്ങൾ വീതി കൂടുതലുള്ളവയാണെങ്കിൽ പക്കുവട വീതിയിൽ, കാണാൻ നല്ല ഭംഗിയുള്ളതാവും. അരിപ്പൊടി, കടലമാവ്, മുളകുപൊടി, കായം, ഉപ്പ് എന്നിവ നന്നായി യോജിപ്പിച്ചതിനുശേഷം അതിൽ വെണ്ണ ഉരുക്കിയത് കുറേശ്ശെ ചേർത്ത് (പുട്ടിന്റെ പൊടി നനയ്ക്കുന്നതുപോലെ) കട്ടയില്ലാതെ യോജിപ്പിക്കുക. പിന്നെ ആവശ്യത്തിന് വെള്ളം ചേർത്ത് നന്നായി കുഴച്ചെടുക്കുക. സ്വല്പം ഓറഞ്ച്-റെഡ് ഫുഡ് കളർ ചേർത്താൽ പക്കുവടയ്ക്ക് നല്ല ആകർഷകമായ നിറം കിട്ടും. ഞാൻ ചേർത്തിട്ടുണ്ട്.

കുഴച്ച മാവ് സേവനാഴിയിലിട്ട് തിളയ്ക്കുന്ന വെളിച്ചെണ്ണയിലേയ്ക്ക് വട്ടത്തിൽ പിഴിയുക. ഈ സമയത്ത് ചൂടുള്ള ആവിയടിച്ച് കൈ പൊള്ളാൻ സാധ്യതയേറെയാണ്. ഈ വെപ്രാളത്തിൽ സേവനാഴി കയ്യിൽനിന്ന് വിട്ട് നേരെ എണ്ണയിലേയ്ക്ക് വീണെന്നും വരാം. ഇത്തരം അപകടങ്ങൾ ഒഴിവാക്കാൻ, പിഴിയുന്നതിനോടൊപ്പം കയ്യിലേക്ക് നന്നായി ഊതി ആവിയുടെ ദിശ മാറ്റിക്കൊണ്ടിരിക്കണം.

തിരിച്ചും മറിച്ചുമിട്ട് രണ്ടുവശവും ഒരുപോലെ മൂപ്പിച്ചശേഷം കോരിയെടുക്കുക. ഒരു ടിഷ്യൂപേപ്പറിലേയ്ക്ക് ഇടുന്നത് അധികമുള്ള എണ്ണ വലിച്ചെടുക്കാൻ സഹായിക്കും.

ചൂടാറിയശേഷം ചെറിയ കഷ്ണങ്ങളായി ഒടിച്ചെടുക്കുക, കറുമുറാന്നങ്ങ് കഴിയ്ക്കുക. അത്രതന്നെ..!!!

ഈ ബ്ലോഗിനേക്കുറിച്ച്...

ഒരു പാചകവിദഗ്ദ്ധയാണെന്ന അവകാശവാദമൊന്നും ഇല്ല കേട്ടോ.. എനിയ്ക്കറിയാവുന്ന ചിലത് നിങ്ങളുമായി പങ്കുവയ്ക്കുന്നു എന്നുമാത്രം.
പണ്ടത്തെ തനതു വിഭവങ്ങളെ അതേപടി, അതേ പേരുകളോടെ‍ തന്നെയാണ് ഇവിടെ പരിചയപ്പെടുത്തുന്നത്. പേരുകള്‍ക്കോ, ഉണ്ടാക്കുന്ന രീതികള്‍ക്കോ പ്രാദേശികമായ വ്യത്യാസങ്ങളുണ്ടാകുമല്ലോ. അതേക്കുറിച്ചുള്ള അന്വേഷണം കൂടിയാണ് ഓരോ കുറിപ്പും. നിങ്ങൾക്കറിയാവുന്നത് പറയുമല്ലോ..?
ഇതിൽ പറയുന്ന കുറിപ്പുകളിൽ ഏതെങ്കിലും നിങ്ങൾക്ക് ഇഷ്ടപ്പെട്ടുവെങ്കിൽ, ഉപകാരപ്രദമായെങ്കിൽ, അതിന് ഞാൻ കടപ്പെട്ടിരിക്കുന്നത് അടുക്കളയെന്ന ലോകം നന്നായറിഞ്ഞു വളർന്ന സാഹചര്യങ്ങളോടും എന്റെ അമ്മയോടുമാണ്.

21 പേർ അഭിപ്രായമറിയിച്ചു:

ബിന്ദു കെ പി said...: പക്കുവട എല്ലാവർക്കും പരിചയമുള്ള വിഭവമാണല്ലൊ. ഇതുണ്ടാക്കുന്നതെങ്ങനെയെന്ന് നോക്കിയാലോ..?; May 11, 2009 at 8:33 AM
ജിജ സുബ്രഹ്മണ്യൻ said...: ആഹാ ! നല്ല രസികൻ പക്കവട.കറുമുറാന്ന് കൊറിക്കാൻ തോന്നണു !; May 11, 2009 at 8:56 AM
ശ്രീ said...: വല്ലപ്പോഴുമൊക്കെ വീട്ടില്‍ ഉണ്ടാക്കാറുണ്ട് :); May 11, 2009 at 9:05 AM
Bindhu Unny said...: ഞാനൊരിക്കല്‍ ഉണ്ടാക്കി നോക്കിയപ്പോള്‍ വെണ്ണയും ഡാല്‍ഡയും ഒന്നും ചേര്‍ത്തില്ല. അതുകൊണ്ടാവും നല്ല കട്ടിയായിരുന്നു.
:-); May 11, 2009 at 9:28 AM
ബാജി ഓടംവേലി said...: കറുമുറാന്ന് കൊറിക്കാൻ തോന്നണു ...; May 11, 2009 at 9:50 AM
siva // ശിവ said...: ഇത് മുമ്പൊക്കെ കഴിയ്ക്കുമായിരുന്നു....ഇപ്പോള്‍ വാങ്ങാന്‍ തന്നെ അപൂര്‍വ്വമായി മാത്രമേ എന്റെ നാടില്‍ കിട്ടുകയുള്ളൂ....നന്ദി....ഇനി ഉണ്ടാക്കിനോക്കാമല്ലോ...; May 11, 2009 at 10:25 AM
ഹന്‍ല്ലലത്ത് Hanllalath said...: വീട്ടിലിതു വരെ ഉണ്ടാക്കിയിട്ടില്ല
ഇനി മറന്നില്ലേല്‍ വീട്ടില്‍ പോകുമ്പോള്‍ ഒന്ന് നോക്കാം..
:); May 11, 2009 at 10:52 AM
Typist | എഴുത്തുകാരി said...: ഇങ്ങിനെ കൊതിപ്പിക്കരുതു്ട്ടോ.വല്ലപ്പോഴുമൊക്കെ ഉണ്ടാക്കാറുണ്ട്‌. എന്നാലും കാണുമ്പോ കൊതിയാവുന്നു.; May 11, 2009 at 1:59 PM
അനില്‍@ബ്ലോഗ് // anil said...: ഓ.. ഇതാണോ പക്കുവട?
ഇവിടൊക്കെ ചെറിയ കുറേ ഉണ്ടകളാണല്ലോ ആ പേരില്‍ കിട്ടുന്നത്, എണ്ണയില്‍ വറുത്തത്?; May 11, 2009 at 2:12 PM
Unknown said...: apakadasoochanakoodi koduthapol
binduvinte pakuvadayku
irati karumuruppu ( kurachu ellukoodi
cherthaalo bindu ? ); May 12, 2009 at 2:48 PM
ഹരിശ്രീ said...: കണ്ടിട്ട് കൊതിയാവുന്നു...
:(; May 12, 2009 at 5:54 PM
smitha adharsh said...: കൊതിപ്പിച്ചു..
നാട്ടിലാണെങ്കില്‍,അമ്മ ഇപ്പോഴും ഉണ്ടാക്കി തരാറുണ്ട്..
സങ്കടം വന്നു..കൂടെ കൊതിയും..; May 12, 2009 at 8:08 PM
ജെ പി വെട്ടിയാട്ടില്‍ said...: പക്കുവട കണ്ടിട്ട് കൊതി വന്നു.
രാക്കമ്മ വരുമ്പോള്‍ ഉണ്ടാക്കിത്തരാമെന്ന് പറഞ്ഞിട്ടുണ്ട്.
ഇവിടെ അടുത്ത ഷോപ്പില്‍ ഉണ്ട്. പക്ഷെ വലിയ ടേസ്റ്റ് ഇല്ല.
അബുദബിയിലുള്ള ആര്‍ക്കെങ്കിലും ഉണ്ടാക്കിയത് കൊടുക്കാറുണ്ടോ.; May 12, 2009 at 10:38 PM
ഹരീഷ് തൊടുപുഴ said...: അയ്യോ!! കൊതിയാവുന്നല്ലോ ചേച്ചീ..

എന്റെ ചെറുപ്പത്തില്‍ ഞാനൊരു ഫുള്‍ പാക്കറ്റ് മൊത്തം ഒറ്റയിരിപ്പിനിരുന്നടിക്കുമായിരുന്നു; കൂടെ കട്ടന്‍ കാപ്പിയുമുണ്ടാകും. നല്ല ടേസ്റ്റാ അങ്ങനെ കഴിക്കാന്‍..; May 13, 2009 at 7:58 AM
കണ്ണനുണ്ണി said...: ശ്ശൊ... കൊതി വന്നിട്ട് ഒരു രക്ഷേം ഇല്യ.. :(; May 15, 2009 at 9:43 AM
അരുണ്‍ കരിമുട്ടം said...: നന്ദി ചേച്ചി
പൊണ്ടാട്ടിക്ക് ഒന്ന് പറഞ്ഞു കൊടുത്ത് നോക്കട്ടെ, അവളിത് ഉണ്ടാക്കിയാല്‍ റൊമ്പ നല്ല വിഷയം; May 15, 2009 at 12:22 PM
paarppidam said...: എന്റെ ശ്രീമതി താങ്കളുടെ ബ്ലോഗ്ഗ്‌ കര്യമായി വായിക്കുന്നത്‌ കണ്ടു.എന്നാണാവോ പരീക്ഷണത്തിനു മുതിരുക.വയറിനു കുഴപ്പം ഉണ്ടാക്കുന്ന ഐറ്റംസ്‌ ഒന്നും ഇതിൽ ഇല്ലല്ലോ?; May 17, 2009 at 9:36 PM
paarppidam said...: ഇതൊക്കെ വിശദമായി ചിത്രസഹിതം പ്രസിദ്ധീകരിച്ചതിനു പ്രത്യേകം അഭിനന്ദനം പറയുവാൻ പറഞ്ഞിട്ടുണ്ട്‌ കക്ഷി ടാ...; May 17, 2009 at 9:37 PM
Sureshkumar Punjhayil said...: vaayilninnu marunnilla... Ashamsakal...!!!; May 17, 2009 at 10:07 PM
Devarenjini... said...: wow! nannaayiriykkunnu...ariyaathe vaayil vellam varum..:)

p.s:- maavinte koode korachu ellum cherthaal korachu koodi nannaayiriykkum...; July 31, 2009 at 4:53 AM
Babitha Jays said...: പക്കാവട നന്നായിട്ടുണ്ട് ട്ടോ! വീട്ടിലുണ്ടാക്കുന്ന പക്കാവടയുടെ ടേസ്റ്റ് ഒന്നു വേറേ തന്നെയാ.; February 3, 2010 at 7:58 PM

ഞാന്‍.....

അടുക്കളച്ചൊല്ലുകള്‍.....

വിഭാഗങ്ങള്‍:

ഊണിനു സമയമായോ......?

മലയാളം ബ്ലോഗുകള്‍ ലിസ്റ്റ് ചെയ്യപ്പെടുന്ന ഇടങ്ങള്‍:

പക്കുവട

21 പേർ അഭിപ്രായമറിയിച്ചു:

ഈ ബ്ലോഗിനേക്കുറിച്ച്...

എന്റെ മറ്റു ബ്ലോഗുകള്‍:

ഇപ്പോള്‍ വിരുന്നിനെത്തിവര്‍:

ഇതുവരെ സ്വാദു നോക്കിയവർ

Followers

പ്രധാന ബ്ലോഗിംഗ് സഹായികള്‍: