അടുക്കളത്തളം: പൂവട

അടുക്കളച്ചൊല്ലുകള്‍.....

“അന്ന വിചാരം മുന്നവിചാരം, പിന്നെ വിചാരം കാര്യവിചാരം”
“ഉപ്പോളം വരുമോ ഉപ്പിലിട്ടത്”
“അരി വിതച്ചാൽ നെല്ലു വിളയാ”
“മുളയിലറിയാം വിള”
“ആര്യൻ വിതച്ചാൽ നവര വിളയുമോ?”
“നവര നട്ടാൽ തുവരയുണ്ടാകുമോ?”
“ഒരു വിത്ത് വിതച്ചാൽ പല വിത്ത് വിളയാ”
“കണ്ണൻ വാഴച്ചുവട്ടിൽ കദളിവാഴയുണ്ടാകുമോ?”
“അമരയും അപരാധവും കുറച്ചുമതി”
“ഉണ്ണാനില്ലാഞ്ഞാൽ വിത്ത്; ഉടുക്കാനില്ലാഞ്ഞാൽ പട്ട്”
“വിത്തുഗുണം പത്തുഗുണം”
“ചൊല്ല് പഴയതായാലും വിത്ത് പഴയതാവരുത്”
“വിശപ്പിനു രുചിയില്ല”
“തവിയറിയുമോ കറിയുടെ രസം?”
“കാന്താരിമുളകെന്തിനാ അധികം?”
“കർക്കിടകച്ചേന കട്ടിട്ടെങ്കിലും തിന്നണം”
“മെല്ലെത്തിന്നാൽ മുള്ളും തിന്നാം”
“പയ്യെത്തിന്നാൽ പനയും തിന്നാം”
“വിത്തെടുത്തുണ്ണരുത്”
“ഉണ്ടെങ്കിലോണം പോലെ ഇല്ലെങ്കിലേകാദശി”
“വെളുക്കുന്നതിനു മുൻപേ അരിവെയ്ക്കണം; അരിവെയ്ക്കുന്നതിനു മുൻപേ കറിവെയ്ക്കരുത്”
“വേണമെങ്കിൽ ചക്ക വേരിലും കായ്ക്കും!”
“എണ്ണിയ പയറ് അളക്കേണ്ട”
“മരത്തിന് കായ കനമല്ല”
“ഉരിനെല്ലൂരാൻ പോയിട്ട് പത്തുപറ നെല്ല് പന്നി തിന്നു”
“മക്കളെ കണ്ടും മാമ്പൂ കണ്ടും കൊതിക്കരുത്”
“ഉച്ചാറലുച്ചയ്ക്ക് വെള്ളാരി നട്ടാൽ വിഷു ഉച്ചയ്ക്ക് പറിക്കാം”
“കർക്കിടകത്തിൽ പത്തില കറിവെച്ചു കൂട്ടണം”
“കാണം വിറ്റും ഓണം ഉണ്ണണം”
“പത്തായം പട്ടിണി കിടക്കരുത്”
“നിലം നികത്തി വീടു വയ്ക്കരുത്”
“തൊഴുതുണ്ണുന്ന ചോറിനേക്കാ‍ൾ ഉഴുതുണ്ണുന്ന ചോറ്”
“വാഴ നനഞ്ഞാൽ ചീരയും നനയും”
“കയ്യാടിയാലേ വയറാടൂ”
“അവിയലിൽ ചേരാത്ത കഷ്ണമില്ല!”
“അണ്ടിയോടടുക്കുമ്പോഴറിയാം, മാങ്ങയുടെ പുളി!”
“അത്താഴമുണ്ടാൽ അരക്കാതം നടക്കണം, മുത്താഴമുണ്ടാൽ മുള്ളിലും കിടക്കണം”
“അധികം വിളഞ്ഞാൽ വിത്തിനും കൊള്ളാ”
“അധികമായാൽ അമൃതും വിഷം”
“അപ്പം തിന്നാൽ മതി; കുഴിയെണ്ണേണ്ട”
“അമ്മിയോടു ചോദിച്ചിട്ടാണോ അരയ്ക്കുന്നത്?”
“അരനാഴിയേ ഉള്ളെങ്കിലും അടുപ്പുകല്ലു മൂന്നു വേണം”
“അരിയെത്ര? പയറഞ്ഞാഴി”
“അഴകുള്ള ചക്കയിൽ ചുളയില്ല!”
“ആറ്റിൽ കളഞ്ഞാലും അളന്നു കളയണം”
“ഉണ്ട ചോറിൽ കല്ലിടരുത്”
“ഉണ്ടവന് പാ കിട്ടാഞ്ഞ്, ഉണ്ണാത്തവന് ഇല കിട്ടാഞ്ഞ്”
“ഉപ്പു തിന്നവൻ വെള്ളം കുടിക്കും”
“ഉള്ള കഞ്ഞിയിൽ പാറ്റ ഇടുക”
“എണ്ണിച്ചുട്ട അപ്പം പോലെ”
“എല്ലു മുറിയെ പണിതാൽ പല്ലു മുറിയേ തിന്നാം”
“കല്ലാടും മുറ്റത്ത് നെല്ലാടുകില്ല”
“കറിക്ക് ചേരാത്ത കഷ്ണം നുറുക്കരുത്”
“ചക്കയ്ക്ക് ചുക്ക്; മാങ്ങയ്ക്ക് തേങ്ങ”
“ഞാറുറച്ചാൽ ചോറുറച്ചു”
“തിന്ന ചോറിന് നന്ദി വേണം”
“മത്ത കുത്തിയാൽ കുമ്പളം മുളയ്ക്കുമോ?”
“പത്തായം പെറും, ചക്കി കുത്തും, അമ്മ വയ്ക്കും, ഞാനുണ്ണും”
“പന്തിയ്ക്കു മുമ്പും പടയ്ക്കു പിമ്പും ”
“പറ നിറയെ പതിരാണെങ്കിലും പാറ്റി നോക്കിയാൽ മണി കാണാം”
“ആലോലനീലമിഴിയാം പ്രിയയാൾ വിളമ്പും ഓലോലനൊന്നു മതി; എന്തിന്നു നൂറു കൂട്ടം?”

പൂവടയെന്നാൽ നല്ല വെളുത്ത്, പൂ പോലിരിക്കുന്ന അട തന്നെ. സാധാരണ അടയിൽ മധുരത്തിന് ശർക്കരയാണ് ഉപയോഗിക്കുന്നതെങ്കിൽ ഇവിടെ വെളുത്ത നിറത്തിന് വേണ്ടി പഞ്ചസാരയാണ് എടുക്കുന്നത്. പൂവട അധികവും ഓണത്തിന് നേദിക്കാനാണ് ഉണ്ടാക്കുക. ചിലയിടങ്ങളിൽ ഓണക്കാലത്ത് ഇതിന്റെ കൂട്ടിൽ തുമ്പപ്പൂ ചേർക്കുമത്രേ! തീരെ മധുരം ചേർക്കാതെ ഉണ്ടാക്കുന്നവരുമുണ്ട്. പഞ്ചസാരയും ചെറുപഴവും ചേർത്തുണ്ടാക്കിയ പൂവടയിതാ:

ആവശ്യമുള്ള സാധനങ്ങൾ:

(അളവുകളൊന്നും പ്രത്യേകിച്ച് എടുത്തുപറയുന്നില്ല. അവരവരുടെ പാകം പോലെ എടുക്കുക)

പച്ചരി നേർമ്മയായി പൊടിച്ചത്
ആവശ്യത്തിന് വാഴയിലക്കഷ്ണങ്ങൾ

ഉള്ളിൽ വയ്ക്കാനുള്ള കൂട്ടിന്:

ഞാലിപ്പൂവൻ പഴം
തേങ്ങ ചിരകിയത്
പഞ്ചസാര
സ്വല്പം ഏലയ്ക്കാപ്പൊടി

ഉണ്ടാക്കുന്ന വിധം:

വാഴയിലക്കഷ്ണങ്ങൾ വാട്ടിയെടുക്കുക.

അരിപ്പൊടി ദോശമാവിന്റെ അയവിൽ കലക്കുക.
മാവ് കുറച്ചെടുത്ത് ഇലയുടെ നടുക്കൊഴിക്കുക.

കൈവിരലുകളുടെ അറ്റം കൊണ്ട് മെല്ലെ വട്ടത്തിൽ പരത്തുക(ദോശ പരത്തുന്നതുപോലെ)

ഇനി അടയുടെ കൂട്ട് തയ്യാറാക്കാം. വളരെ എളുപ്പമാണ്. പഴം ചെറുതായി നുറുക്കിയതിൽ തേങ്ങ ചിരകിയതും പാകത്തിന് പഞ്ചസാരയും സ്വല്പം ഏലയ്ക്കാപ്പൊടിയും ചേർത്ത് ഇളക്കി യോജിപ്പിക്കുക. മധുരം മുന്നിട്ടുനിൽക്കണം.
(അടയുടെ മാവ് ഇലയിൽ പരത്തി വച്ചശേഷമേ കൂട്ട് തയ്യാറാക്കാവൂ. നേരത്തേ ഉണ്ടാക്കിവച്ചാൽ പഞ്ചസാര അലിഞ്ഞ് ആകെ കുഴമ്പു പരുവത്തിലായിപ്പോവും)

ഇനി, ഇലയിൽ പരത്തിവച്ചിരിക്കുന്ന മാവിന്റെ പകുതിഭാഗത്ത് ഈ കൂട്ട് നിരത്തുക

താഴെകാണും പ്രകാരം മടക്കുക.

ബാക്കി അടകളും ഇതുപോലെ തയ്യാറാക്കിയശേഷം കുക്കറിലോ ഇഡ്ഡലിപാത്രത്തിലോ അടുക്കി വച്ച് വേവിക്കാം. (മടക്കുകൾ ഉള്ള ഭാഗം താഴേയ്ക്കാക്കി വയ്ക്കണം. അല്ലെങ്കിൽ മടക്ക് തുറന്നുപോരും)

വെന്തു പാകമായ, പൂനിലാവു പോലുള്ള പൂവടയിതാ:

ഈ ബ്ലോഗിനേക്കുറിച്ച്...

ഒരു പാചകവിദഗ്ദ്ധയാണെന്ന അവകാശവാദമൊന്നും ഇല്ല കേട്ടോ.. എനിയ്ക്കറിയാവുന്ന ചിലത് നിങ്ങളുമായി പങ്കുവയ്ക്കുന്നു എന്നുമാത്രം.
പണ്ടത്തെ തനതു വിഭവങ്ങളെ അതേപടി, അതേ പേരുകളോടെ‍ തന്നെയാണ് ഇവിടെ പരിചയപ്പെടുത്തുന്നത്. പേരുകള്‍ക്കോ, ഉണ്ടാക്കുന്ന രീതികള്‍ക്കോ പ്രാദേശികമായ വ്യത്യാസങ്ങളുണ്ടാകുമല്ലോ. അതേക്കുറിച്ചുള്ള അന്വേഷണം കൂടിയാണ് ഓരോ കുറിപ്പും. നിങ്ങൾക്കറിയാവുന്നത് പറയുമല്ലോ..?
ഇതിൽ പറയുന്ന കുറിപ്പുകളിൽ ഏതെങ്കിലും നിങ്ങൾക്ക് ഇഷ്ടപ്പെട്ടുവെങ്കിൽ, ഉപകാരപ്രദമായെങ്കിൽ, അതിന് ഞാൻ കടപ്പെട്ടിരിക്കുന്നത് അടുക്കളയെന്ന ലോകം നന്നായറിഞ്ഞു വളർന്ന സാഹചര്യങ്ങളോടും എന്റെ അമ്മയോടുമാണ്.

16 പേർ അഭിപ്രായമറിയിച്ചു:

ബിന്ദു കെ പി said...: ഒരു ഇടവേളയ്ക്കു ശേഷം വീണ്ടും....; July 2, 2012 at 10:46 AM
റോസാപ്പൂക്കള്‍ said...: ഇത് ഞാന്‍ ഉണ്ടാക്കും.എത്രയും പെട്ടെന്ന് വാഴയില സംഘടിപ്പിക്കണം.

ഒരു സംശയം. അരിപ്പൊടി വറക്കണോ..?; July 2, 2012 at 11:44 AM
ബിന്ദു കെ പി said...: @ റോസാപ്പൂക്കൾ: ഉണ്ടാക്കൂ...വളരെ എളുപ്പമാണ്. സാധാരണ അട ഉണ്ടാക്കുന്നത്ര ബുദ്ധിമുട്ടൊന്നുമില്ല.
വറുക്കാത്ത അരിപ്പൊടിയാണ് ശരിക്കും വേണ്ടത്. വറുത്ത അരിപ്പൊടി സ്റ്റോക്കുണ്ടെങ്കിൽ ഉപയോഗിച്ചൂന്ന് വച്ച് കുഴപ്പമൊന്നുമില്ല(എളുപ്പപ്പണിക്കായി പാക്കറ്റിൽ കിട്ടുന്ന പത്തിരിപ്പൊടി, അപ്പം പൊടി ഒക്കെ വച്ച് അഡ്ജസ്റ്റ് ചെയ്യാവുന്നതാണ്). ഞാനിത്തവണ നിറപറയുടെ പത്തിരിപ്പൊടിയാണ് ഉപയോഗിച്ചത്.; July 2, 2012 at 12:08 PM
Mélange said...: santhosham.Aalu ethiyallo.athum onnantharam adayumayittu.ithu pakshe enikku puthiya oru anubhavamaanu.vere oru tharam adaynu njangal onathinu nedikkunnathu.ee filling alla sadarana..onnatharam.nanni.; July 2, 2012 at 1:40 PM
ബിന്ദു കെ പി said...: @ Melange: ഞങ്ങളും ഈ അടയല്ല ഓണത്തിന് നേദിക്കുനത്. പക്ഷേ ചിലരൊക്കെ ഇത് ഓണത്തിന് നേദിക്കാനാണ് ഉണ്ടാക്കുന്നതെന്ന് കേട്ടിട്ടുണ്ട്. ഞങ്ങളിത് നാലുമണിപ്പലഹാരമായിട്ടാണ് ഉണ്ടാക്കുന്നത് :); July 2, 2012 at 3:13 PM
Unknown said...: ക്രൂരതയാണു ഇമ്മാതിരി ഫോട്ടംസ് ഒക്കെ പോസ്റ്റുന്നത്...

പഞ്ചസാരയും/ശർക്കരയും തേങ്ങയും ചേർത്ത അട എനിക്കേറ്റവും ഇഷ്ടപ്പെട്ട സംഭവമാണു. ഇതു പഴവും കൂടെ അല്ലേ; July 2, 2012 at 3:28 PM
mini//മിനി said...: അടപാചകം അടിപൊളിയായി; July 2, 2012 at 8:02 PM
ajith said...: ഓണത്തിന് അമ്മയുണ്ടാക്കിത്തന്നിരുന്നു. ഇപ്പോള്‍ ഓര്‍മ്മകള്‍ മാത്രം; July 2, 2012 at 8:34 PM
Unknown said...: njaan undakkiyttilla ......kazhichittundu ......:); July 3, 2012 at 2:31 PM
Cartoonist said...: ബിന്ദൂ,

ഈ 'നാലുമണിപ്പലഹാരം' എന്ന സങ്കല്പത്തിനെതിരെ, ഏതാനും ഏമ്പക്കശബ്ദങ്ങളൊഴിച്ചാൽ എന്നും നിശ്ശബ്ദമായിട്ട് പടവെട്ടിയിട്ടുള്ളൊരാളാണ് ഞാൻ എന്നറിയാമല്ലൊ.

സത്യത്തിൽ ഈ 'അട ഐറ്റംസ്' എല്ലാം തന്നെ ഏതുമണിയ്ക്കും മണിമണിയായി കൊറിയ്ക്കാവുന്നതേയുള്ളൂ എന്നതാണെന്റെ അനുഭവം.

പാചകകലാകാരിയായ ബിന്ദു എന്തു
പറയുന്നു ?; July 5, 2012 at 6:32 AM
ബിന്ദു കെ പി said...: ഹ..ഹ...സത്യം സജ്ജീവേട്ടാ... നാലുമണിപ്പലഹാരം ന്ന് വെറുതേ ഒരലങ്കാരത്തിന് പറഞ്ഞതല്ലെ :) ഇവിടെ ഇന്ന സമയമെന്നൊന്നുമില്ല. എപ്പോൾ തോന്നുന്നോ, അപ്പോൾ ഉണ്ടാക്കിക്കഴിക്കുക എന്ന സിസ്റ്റമാണ്. ഒരൂസം ഞാനും അമ്മേം കൂടി ബ്രേക്ഫാസ്റ്റിന് പൂവട ഉണ്ടാക്കിത്തട്ടി! :); July 5, 2012 at 3:21 PM
Typist | എഴുത്തുകാരി said...: പൂവട, കേക്കുമ്പഴേ കഴിക്കാന്‍ തോന്നും. ഒരെണ്ണം ഞാന്‍ എടുത്തു. നല്ല സ്വാദ്!; July 7, 2012 at 10:39 AM
കുഞ്ഞൂസ് (Kunjuss) said...: വാഴയിലയില്‍ ഉണ്ടാക്കുന്ന അട, കൊതിയാവുന്നു...:)

ഞങ്ങളും തോന്നുന്ന നേരത്തെല്ലാം അട ഉണ്ടാക്കാറുണ്ട്,പക്ഷേ അലുമിനിയം ഫോയിലില്‍ .... :(; July 13, 2012 at 5:36 AM
Kadalass said...: അടുത്ത ദിവസമാണ് ബ്ലോഗ് ശ്രദ്ധയിൽ പെട്ടത്... ഉഴിന്ന് വടയുണ്ടാക്കുന്നത് തേടി അലഞ്ഞപ്പോൾ ഇവിടെ എത്തിപ്പെട്ടു.... ഉണ്ടാക്കി.... വിജയിച്ചു...

പൂവടയും പരീക്ഷിക്കും.....
നന്ദി...; July 28, 2012 at 6:16 PM
Unknown said...: ITHIL PAZAM,SARKARA, VENDA BEETROOT SCRAP CHITHU THENGA YUM AYI MIX CHEITHU ADAKULLIL VEKUKA ENNIITU DOSHA KALLIL CHUTTEDUKUKA.WHAT A TASTEEEEEEEEEEEEE...........; December 16, 2012 at 5:40 PM
Unknown said...: ITHIL PAZAM,SARKARA, VENDA BEETROOT SCRAP CHITHU THENGA YUM AYI MIX CHEITHU ADAKULLIL VEKUKA ENNIITU DOSHA KALLIL CHUTTEDUKUKA.WHAT A TASTEEEEEEEEEEEEE...........; December 16, 2012 at 5:42 PM

ഞാന്‍.....

അടുക്കളച്ചൊല്ലുകള്‍.....

വിഭാഗങ്ങള്‍:

ഊണിനു സമയമായോ......?

മലയാളം ബ്ലോഗുകള്‍ ലിസ്റ്റ് ചെയ്യപ്പെടുന്ന ഇടങ്ങള്‍:

പൂവട

16 പേർ അഭിപ്രായമറിയിച്ചു:

ഈ ബ്ലോഗിനേക്കുറിച്ച്...

എന്റെ മറ്റു ബ്ലോഗുകള്‍:

ഇപ്പോള്‍ വിരുന്നിനെത്തിവര്‍:

ഇതുവരെ സ്വാദു നോക്കിയവർ

Followers

പ്രധാന ബ്ലോഗിംഗ് സഹായികള്‍: