അടുക്കളത്തളം: ചക്കപ്പപ്പടം

അടുക്കളച്ചൊല്ലുകള്‍.....

“അന്ന വിചാരം മുന്നവിചാരം, പിന്നെ വിചാരം കാര്യവിചാരം”
“ഉപ്പോളം വരുമോ ഉപ്പിലിട്ടത്”
“അരി വിതച്ചാൽ നെല്ലു വിളയാ”
“മുളയിലറിയാം വിള”
“ആര്യൻ വിതച്ചാൽ നവര വിളയുമോ?”
“നവര നട്ടാൽ തുവരയുണ്ടാകുമോ?”
“ഒരു വിത്ത് വിതച്ചാൽ പല വിത്ത് വിളയാ”
“കണ്ണൻ വാഴച്ചുവട്ടിൽ കദളിവാഴയുണ്ടാകുമോ?”
“അമരയും അപരാധവും കുറച്ചുമതി”
“ഉണ്ണാനില്ലാഞ്ഞാൽ വിത്ത്; ഉടുക്കാനില്ലാഞ്ഞാൽ പട്ട്”
“വിത്തുഗുണം പത്തുഗുണം”
“ചൊല്ല് പഴയതായാലും വിത്ത് പഴയതാവരുത്”
“വിശപ്പിനു രുചിയില്ല”
“തവിയറിയുമോ കറിയുടെ രസം?”
“കാന്താരിമുളകെന്തിനാ അധികം?”
“കർക്കിടകച്ചേന കട്ടിട്ടെങ്കിലും തിന്നണം”
“മെല്ലെത്തിന്നാൽ മുള്ളും തിന്നാം”
“പയ്യെത്തിന്നാൽ പനയും തിന്നാം”
“വിത്തെടുത്തുണ്ണരുത്”
“ഉണ്ടെങ്കിലോണം പോലെ ഇല്ലെങ്കിലേകാദശി”
“വെളുക്കുന്നതിനു മുൻപേ അരിവെയ്ക്കണം; അരിവെയ്ക്കുന്നതിനു മുൻപേ കറിവെയ്ക്കരുത്”
“വേണമെങ്കിൽ ചക്ക വേരിലും കായ്ക്കും!”
“എണ്ണിയ പയറ് അളക്കേണ്ട”
“മരത്തിന് കായ കനമല്ല”
“ഉരിനെല്ലൂരാൻ പോയിട്ട് പത്തുപറ നെല്ല് പന്നി തിന്നു”
“മക്കളെ കണ്ടും മാമ്പൂ കണ്ടും കൊതിക്കരുത്”
“ഉച്ചാറലുച്ചയ്ക്ക് വെള്ളാരി നട്ടാൽ വിഷു ഉച്ചയ്ക്ക് പറിക്കാം”
“കർക്കിടകത്തിൽ പത്തില കറിവെച്ചു കൂട്ടണം”
“കാണം വിറ്റും ഓണം ഉണ്ണണം”
“പത്തായം പട്ടിണി കിടക്കരുത്”
“നിലം നികത്തി വീടു വയ്ക്കരുത്”
“തൊഴുതുണ്ണുന്ന ചോറിനേക്കാ‍ൾ ഉഴുതുണ്ണുന്ന ചോറ്”
“വാഴ നനഞ്ഞാൽ ചീരയും നനയും”
“കയ്യാടിയാലേ വയറാടൂ”
“അവിയലിൽ ചേരാത്ത കഷ്ണമില്ല!”
“അണ്ടിയോടടുക്കുമ്പോഴറിയാം, മാങ്ങയുടെ പുളി!”
“അത്താഴമുണ്ടാൽ അരക്കാതം നടക്കണം, മുത്താഴമുണ്ടാൽ മുള്ളിലും കിടക്കണം”
“അധികം വിളഞ്ഞാൽ വിത്തിനും കൊള്ളാ”
“അധികമായാൽ അമൃതും വിഷം”
“അപ്പം തിന്നാൽ മതി; കുഴിയെണ്ണേണ്ട”
“അമ്മിയോടു ചോദിച്ചിട്ടാണോ അരയ്ക്കുന്നത്?”
“അരനാഴിയേ ഉള്ളെങ്കിലും അടുപ്പുകല്ലു മൂന്നു വേണം”
“അരിയെത്ര? പയറഞ്ഞാഴി”
“അഴകുള്ള ചക്കയിൽ ചുളയില്ല!”
“ആറ്റിൽ കളഞ്ഞാലും അളന്നു കളയണം”
“ഉണ്ട ചോറിൽ കല്ലിടരുത്”
“ഉണ്ടവന് പാ കിട്ടാഞ്ഞ്, ഉണ്ണാത്തവന് ഇല കിട്ടാഞ്ഞ്”
“ഉപ്പു തിന്നവൻ വെള്ളം കുടിക്കും”
“ഉള്ള കഞ്ഞിയിൽ പാറ്റ ഇടുക”
“എണ്ണിച്ചുട്ട അപ്പം പോലെ”
“എല്ലു മുറിയെ പണിതാൽ പല്ലു മുറിയേ തിന്നാം”
“കല്ലാടും മുറ്റത്ത് നെല്ലാടുകില്ല”
“കറിക്ക് ചേരാത്ത കഷ്ണം നുറുക്കരുത്”
“ചക്കയ്ക്ക് ചുക്ക്; മാങ്ങയ്ക്ക് തേങ്ങ”
“ഞാറുറച്ചാൽ ചോറുറച്ചു”
“തിന്ന ചോറിന് നന്ദി വേണം”
“മത്ത കുത്തിയാൽ കുമ്പളം മുളയ്ക്കുമോ?”
“പത്തായം പെറും, ചക്കി കുത്തും, അമ്മ വയ്ക്കും, ഞാനുണ്ണും”
“പന്തിയ്ക്കു മുമ്പും പടയ്ക്കു പിമ്പും ”
“പറ നിറയെ പതിരാണെങ്കിലും പാറ്റി നോക്കിയാൽ മണി കാണാം”
“ആലോലനീലമിഴിയാം പ്രിയയാൾ വിളമ്പും ഓലോലനൊന്നു മതി; എന്തിന്നു നൂറു കൂട്ടം?”

ഇക്കൊല്ലം ചക്കയാണ് മാങ്ങയേക്കാൾ സമൃദ്ധം. കൂട്ടാനും തോരനുമൊക്കെ ഉണ്ടാക്കിയും പഴുപ്പിച്ചുതിന്നും കുറേയൊക്കെ ചിലവാകും. ബാക്കിയുള്ളത് നമ്മൾ പാഴാക്കിക്കളയാറാണ് പതിവ്. അല്ലേ..? എന്നാൽ, കുറച്ചൊന്നു മിനക്കെടാനുള്ള മനസ്സും സമയവും ഉണ്ടെങ്കിൽ ദീർഘകാലസൂക്ഷിപ്പിന് അനുയോജ്യമായ ഈ രസികൻ വിഭവം നമുക്ക് തയ്യാറാക്കാം. ഇതിനു വേണ്ടിവരുന്ന കാര്യമായ ചിലവോ, നമ്മുടെ അദ്ധ്വാനം മാത്രം!!!
വിലയോ തുച്ഛം, ഗുണമോ മെച്ചം !!

ആവശ്യമുള്ള സാധനങ്ങൾ:

ഇടത്തരം വലുപ്പമുള്ള ചക്ക - ഒന്ന്
കാന്താരി മുളക് - 1--15
എള്ള് - ഏകദേശം 100 ഗ്രാം.
ജീരകം - 50 ഗ്രാം.
കുരുമുളക് തരുതരുപ്പായി പൊടിച്ചത് - 3 ടേബിൾ സ്പൂൺ
കായം - 2 ടേബിൾ സ്പൂൺ
കറിവേപ്പില
പാകത്തിന് ഉപ്പ്

(അളവുകളൊക്കെ ഒരു ഉദ്ദേശം വച്ച് എഴുതിയെന്നേയുള്ളൂ. എല്ലാം ഇത്ര കൃത്യമായിത്തന്നെ എടുക്കണമെന്നില്ല).

ഉണ്ടാക്കുന്ന വിധം:

ചക്കച്ചുളകൾ കുരുവും ചവിണിയും മാറ്റി ചെറുതായി നുറുക്കി കുക്കറിലിട്ട് അധികം വെള്ളം ചേർക്കാതെ വേവിച്ചെടുക്കുക.

വേവിച്ച ചക്ക കറിവേപ്പിലയും കാന്താരിമുളകും ഉപ്പും കൂട്ടി നന്നായി അരച്ചെടുക്കുക.

ഇതിൽ എള്ളും ജീരകവും കുരുമുളകുപൊടിയും കായവും ചേർത്ത് നന്നായി ഇളക്കി യോജിപ്പിക്കുക.

പപ്പടത്തിനുള്ള മാവ് റെഡിയായി. ഇനി പരത്താൻ തയ്യാറാവാം. കട്ടിയുള്ള ഒരു പ്ലാസ്റ്റിക്ക് ഷീറ്റാണ് ഇതിനു നല്ലത്. പായയിലോ പനമ്പിലോ തുണി വിരിച്ച് അതിലാണ് പണ്ടൊക്കെ പപ്പടവും കൊണ്ടാട്ടവുമൊക്കെ തയ്യാറാക്കിയിരുന്നത്. പക്ഷേ കൈകാര്യം ചെയ്യാൻ അതിനേക്കാളും എളുപ്പം പ്ലാസ്റ്റിക്ക് ഷീറ്റാണ്.

നല്ല വെയിലുള്ള സ്ഥലത്ത് ഷീറ്റ് വിരിക്കുക. തയ്യാറാക്കിയ മാവ് ഒരു പരന്ന സ്പൂൺ കൊണ്ട് കുറേശ്ശെയായി കോരിയിട്ട് സ്പൂനിന്റെ അടിഭാഗം കൊണ്ട് ദോശ പരത്തുന്നതുപോലെ പരത്തുക. രാവിലെ എട്ടുമണിക്കു മുൻപ് ഈ പണിചെയ്തുതീർത്താൽ നന്ന്. ഇല്ലെങ്കിൽ പൊരിവെയിലത്തിരുന്ന് ചെയ്യേണ്ടിവരും, പറഞ്ഞേക്കാം.

വൈകുന്നേരത്തോടെ പപ്പടങ്ങൾ ഷീറ്റിൽ നിന്ന് ഇളകിപ്പോരാൻ തുടങ്ങും. പിറ്റേദിവസം മറുഭാഗം ഉണക്കുക. ഇങ്ങനെ തിരിച്ചും മറിച്ചുമിട്ട് മൂന്നുനാലു ദിവസം നന്നായി ഉണക്കണം.

ദാ, പപ്പടം വേണ്ടത്ര ഉണങ്ങിക്കഴിഞ്ഞു. ഇനി ഒരു ഭരണിയിലോ അടപ്പുള്ള മറ്റേതെങ്കിലും പാത്രത്തിലോ സൂക്ഷിച്ചുവയ്ക്കാം. ദീർഘകാലം കേടാവാതെ ഇരുന്നോളും.

അവശ്യത്തിനെടുത്ത് വറുത്തോ ചുട്ടോ കഴിക്കാം. ചോറിന്റെ കൂടെ, കഞ്ഞിയുടെ കൂടെ, അതുമല്ലെങ്കിൽ നാലുമണിച്ചായയുടെ കൂടെ ചുമ്മാ കടിച്ചുതിന്നാനുമൊക്കെ നന്ന്. പഞ്ഞക്കർക്കിടകത്തിലേക്കുള്ള മുൻ‌കരുതലായാണ് പണ്ടൊക്കെ ഇത്തരം വിഭവങ്ങൾ ഉണ്ടാക്കിയിരുന്നത്.

ഈ ബ്ലോഗിനേക്കുറിച്ച്...

ഒരു പാചകവിദഗ്ദ്ധയാണെന്ന അവകാശവാദമൊന്നും ഇല്ല കേട്ടോ.. എനിയ്ക്കറിയാവുന്ന ചിലത് നിങ്ങളുമായി പങ്കുവയ്ക്കുന്നു എന്നുമാത്രം.
പണ്ടത്തെ തനതു വിഭവങ്ങളെ അതേപടി, അതേ പേരുകളോടെ‍ തന്നെയാണ് ഇവിടെ പരിചയപ്പെടുത്തുന്നത്. പേരുകള്‍ക്കോ, ഉണ്ടാക്കുന്ന രീതികള്‍ക്കോ പ്രാദേശികമായ വ്യത്യാസങ്ങളുണ്ടാകുമല്ലോ. അതേക്കുറിച്ചുള്ള അന്വേഷണം കൂടിയാണ് ഓരോ കുറിപ്പും. നിങ്ങൾക്കറിയാവുന്നത് പറയുമല്ലോ..?
ഇതിൽ പറയുന്ന കുറിപ്പുകളിൽ ഏതെങ്കിലും നിങ്ങൾക്ക് ഇഷ്ടപ്പെട്ടുവെങ്കിൽ, ഉപകാരപ്രദമായെങ്കിൽ, അതിന് ഞാൻ കടപ്പെട്ടിരിക്കുന്നത് അടുക്കളയെന്ന ലോകം നന്നായറിഞ്ഞു വളർന്ന സാഹചര്യങ്ങളോടും എന്റെ അമ്മയോടുമാണ്.

22 പേർ അഭിപ്രായമറിയിച്ചു:

ബിന്ദു കെ പി said...: പഞ്ഞക്കർക്കിടകത്തിലേക്കുള്ള മുൻ‌കരുതലായാണ് പണ്ടൊക്കെ ഇത്തരം വിഭവങ്ങൾ ഉണ്ടാക്കിയിരുന്നത്.; May 3, 2010 at 11:49 AM
പിരിക്കുട്ടി said...: ee binduchechi aaloru jagajilli thanne kandittu orennan eduthu thinnan thonnunnu; May 3, 2010 at 12:05 PM
ശ്രീ said...: ഹായ് ഇതു കൊള്ളാമല്ലോ

ഒരു തവണ ഒരു സുഹൃത്തിന്റെ വിവാഹത്തിനാണ് ഈ പപ്പടം ആദ്യമായും അവസാനമായും കഴിയ്ക്കുന്നത്. ഉണ്ടാക്കാന്‍ ഇതൊന്നു ശ്രമിച്ചാല്‍ ഇത് വീട്ടിലും ഉണ്ടാക്കാന്‍ കഴിയുമെന്ന് തോന്നുന്നു, അല്ലേ?; May 3, 2010 at 2:22 PM
jayanEvoor said...: കൊള്ളാമല്ലോ ചക്കപ്പപ്പടം!!
Crispy!; May 3, 2010 at 3:53 PM
ജയരാജ്‌മുരുക്കുംപുഴ said...: chakka pappadam super.....; May 3, 2010 at 6:13 PM
Swathi said...: I am a silent reader of your blog. Chakka papdam looks really nice. I tried your nellika achar it came out good. thanks. you can take a look at my blog. http://kitchenswathi.blogspot.com.; May 4, 2010 at 10:27 AM
കൂതറHashimܓ said...: ചക്ക പപ്പടം കാണാന്‍ നല്ല ടേസ്റ്റ്... :); May 4, 2010 at 1:21 PM
Typist | എഴുത്തുകാരി said...: പണ്ടൊക്കെ അമ്മ ഉണ്ടാക്കാറുണ്ട്. ഇപ്പൊ കുറേക്കാലമായിട്ടു ഒന്നും ചെയ്യാറില്ല.; May 4, 2010 at 5:37 PM
കുഞ്ഞൻ said...: കൊതിപ്പിക്കുന്ന വിഭവം. ആദ്യമായിട്ടാണ് ഇങ്ങനെയൊരു സാധനത്തെപ്പറ്റിയറിയുന്നത്,നന്ദി; May 4, 2010 at 6:36 PM
അമ്മ മലയാളം സാഹിത്യ മാസിക said...: താങ്കളെ അമ്മ മലയാളം സാഹിത്യ മാസികയുടെ ഭാഗമാകാന്‍ ക്ഷണിക്കുന്നു.
താങ്കളുടെ രചനകളും പ്രതീക്ഷിക്കുന്നു . അക്സസിനായി ഇ-മെയില്‍ അയക്കുമല്ലോ; May 5, 2010 at 1:49 AM
ദിവാരേട്ടN said...: ചക്ക പപ്പടം ഉണ്ടാക്കി കഴിച്ചില്ലെങ്കിലും [മുംബയില്‍ ചില പ്രായോഗിക ബുദ്ധിമുട്ടുകള്‍ ഉണ്ടേ..] എഴുതിയ രീതി നന്നായിട്ടുണ്ട്. print out എടുത്ത് വച്ചിട്ടുണ്ട്. നാട്ടില്‍ പോകുമ്പോള്‍ ആകട്ടെ ... [ചക്ക പപ്പടം ഉണ്ടാക്കി തീറ്റിച്ചു കൊല്ലും ഞാന്‍ എല്ലാത്തിനേം...]; May 5, 2010 at 5:11 PM
Bindhu Unny said...: ഉണ്ടാക്കാന്‍ ചക്കയില്ലല്ലോ
:); May 7, 2010 at 7:47 PM
poor-me/പാവം-ഞാന്‍ said...: ഇതിനു പപ്പട വടയുമായി ബന്ധമുണ്ടോ?; May 7, 2010 at 10:55 PM
ചേച്ചിപ്പെണ്ണ്‍ said...: chakkappappadam nerathe kandu kothichu , thirichu poyi ..
commet cheyyan marannu .. ..
pareekshichu nokkum .. ennenkilum ...; June 14, 2010 at 11:22 AM
ചേച്ചിപ്പെണ്ണ്‍ said...: chakkappappadam nerathe kandu kothichu , thirichu poyi ..
commet cheyyan marannu .. ..
pareekshichu nokkum .. ennenkilum ...; June 14, 2010 at 11:22 AM
ഹേമാംബിക | Hemambika said...: വൌ വൌ ..പേര് പോലെ തന്നെ അടുക്കലതളം കൊള്ളാല്ലോ. ചക്കപപ്പടം ഞാനിതു വരെ തിന്നിട്ടില്ല..; June 15, 2010 at 2:31 AM
ഇസ്മായില്‍ കുറുമ്പടി (തണല്‍) shaisma@gmail.com said...: ഉള്ള ചക്കയോക്കെ ഞങ്ങള്‍ കയറ്റി അയച്ചു . എന്നിട്ട് അവര്‍ അത് ജാം ,സ്ക്വാഷ് മുതലായവ ആക്കി നമുക്ക് കൂടിയ വിലക്ക് തരുന്നു. ഇനി നാട്ടില്‍ ചക്കയില്ല. ഉണ്ടെങ്കില്‍ തന്നെ കയ്യില്‍ അതിന്റെ പശ ഒട്ടുന്നത് ഞങ്ങള്‍ക്കിഷ്ടം അല്ല.; June 16, 2010 at 4:55 PM
പ്രവീണ്‍ വട്ടപ്പറമ്പത്ത് said...: ദിതു കൊള്ളാലോ...ആദ്യായിട്ടാ ഈ ഐറ്റം കേൾക്കുന്നേ; July 8, 2010 at 2:39 PM
Jishad Cronic said...: കൊതിപ്പിക്കുന്ന വിഭവം.; July 12, 2010 at 4:25 PM
ബഷീർ said...: ആദ്യാമായാണീ വിഭവത്തെ പറ്റി അറിയുന്നത്.. ചക്കയെപറ്റി തന്നെ മറന്ന് തുടങ്ങിയിരിക്കുന്നു നമ്മൾ :(

ഇങ്ങിനെയൊക്കെ ബുദ്ധിമുട്ടി ഈ വിഭവം തയ്യാറാക്കാൻ ആരാ തയ്യാറാവുക ? ടിന്നിലടച്ചോ പ്ലാസ്റ്റ്ക് കവറിൽ അടച്ചോ കിട്ടിയാൽ വാ‍ങ്ങുമെന്നല്ലാതെ !

എന്തായാലും ഈ പ്രത്യേക വിഭവത്തിനു ഒരു സ്പെഷ്യൽ താങ്ക്സ്.

@ ഇസ്മായിലിന്റെ കമന്റിനു സ്മയിൽ :); July 15, 2010 at 11:19 AM
Shiju Shajahan said...: ELLAM VALARE NANNAYITUNDU........PUTHIYA THALAMURAYIL ITHU ARIYAAVUNNVAR ILLANNU THANNE PARAYAM..........BINDHU CHECHI PADAM ULPADE ULLA EE ADUKKALA THALAM SUPERAAYITTUNDU........OTHIRI NANNI .....RANDU MOONNU ITEM THEERCHAYAAYUM UNDAAKKIKKUM ENTE WIFINE KONDU....AVALKKU ITHU ORU PUTHIYA ANUBHAVAM AAYIRIKKUM........; May 19, 2011 at 1:42 PM
Shiju Shajahan said...: This comment has been removed by the author.; May 19, 2011 at 1:45 PM

ഞാന്‍.....

അടുക്കളച്ചൊല്ലുകള്‍.....

വിഭാഗങ്ങള്‍:

ഊണിനു സമയമായോ......?

മലയാളം ബ്ലോഗുകള്‍ ലിസ്റ്റ് ചെയ്യപ്പെടുന്ന ഇടങ്ങള്‍:

ചക്കപ്പപ്പടം

22 പേർ അഭിപ്രായമറിയിച്ചു:

ഈ ബ്ലോഗിനേക്കുറിച്ച്...

എന്റെ മറ്റു ബ്ലോഗുകള്‍:

ഇപ്പോള്‍ വിരുന്നിനെത്തിവര്‍:

ഇതുവരെ സ്വാദു നോക്കിയവർ

Followers

പ്രധാന ബ്ലോഗിംഗ് സഹായികള്‍: